البيت الآرامي العراقي




البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثالتسجيلarakeyboardchald keyboardدخول

شاطر | 
 

 من تـزعــل : ميسون نعيم الرومي

اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام
avatar


الدولة : العراق
الجنس : ذكر
عدد المساهمات : 44462
مزاجي : أحب المنتدى
تاريخ التسجيل : 21/09/2009
الابراج : الجوزاء
التوقيت :

مُساهمةموضوع: من تـزعــل : ميسون نعيم الرومي    السبت 29 ديسمبر 2018, 4:58 am




من تـزعــل



ميسون نعيم الرومي
من تـزعــل
من تزعل
تطفه الدنيه اوظلمه اتصير
تبچي العين ابلايه ادموع
لطيوراتهاجركلهه اتغيب
ايمر العيد ابلايه اشـموع
والجرح ايخضرله اجروح
حزن ايجذّر بيه افروع
والگلب امصدع موجوع
روح ابدربك ابعد روح
وانت الغاوي يالمدلوع
كل يوم اوتتكسر لضلوع
سدينه الباب اوبس عاد
ياگلبي اشمالك موجوع
من ترضه
تحله الدنيه الگمره اتضوي
ليلو اخدودك وي مرجان
انجوم الجيدك عقد اتصير
اشفافك چن ورد الرمان
والروح اتـورد قـداح
النرجس يتمايل فرحان
ايحير الليل ابذياله ايلملم
حلوه الدنيه ابلايه احزان
بس طبعك يتغير كل يوم
اربابه او نفس الالحان
راح العمر ابايدك ضاع
والدمعه التچوي الأجفان
صارت ذكرى ابلا عنوان
واتساوه الچان او ماچان
------------
ديسمبر / 2018
ســــــــــتوكهولم










من تـزعــل : ميسون نعيم الرومي

الرجوع الى أعلى الصفحة اذهب الى الأسفل
 
من تـزعــل : ميسون نعيم الرومي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الثقافية , الادبية , التاريخية , الحضارية , والتراثية Cultural, literary, historical, cultural, & heritage :: منتدى الشعر الشعبي PDF Poetry Forum-
انتقل الى: