Icon16بس دمنه اليفور : ميسون نعيم الرومي بس دمنه اليفور نقرتين لعرض الصورة في صفحة مستقلة ميسون نعيم الرومي

بس دمنه اليفور : ميسون نعيم الرومي

بس دمنه اليفور
Icon16بس دمنه اليفور : ميسون نعيم الرومي بس دمنه اليفور نقرتين لعرض الصورة في صفحة مستقلة ميسون نعيم الرومي A.AAA.12

ميسون نعيم الرومي
Icon16بس دمنه اليفور : ميسون نعيم الرومي بس دمنه اليفور نقرتين لعرض الصورة في صفحة مستقلة ميسون نعيم الرومي Gulalaa

بس دمنه اليفور
هاليبچي الگلب والعين تگطر دم
كل يوم العراق اودمـَّـه بي مأتم

ياجرح الگلب ملچوم دوم اينز
يتجدد حزن والجرح ما يلتم

بس دمنه اليفور ابكل كتر وايسيل
اسنين اوبالشباب الموت هاليلظم

يا جرح الشهيد اليصرخ اينادي
لاحگـْنه الزمـَـن يسگينه بالعلگم

يتنگـَّـه الشــباب اويهـدر ابـدمهم
ازهور امفتحه بيهه القدر مغرم

شو چلچل حزن ع الشعب ما ينزاح
نـِـلـَـمـْـلـِـم بالفـَرح والفـَرح ما يـنلَم

حتى امواكبك (يحسين) ما سـِـلمـَـت
(ملك الموت) بيهـَه حصد متحزم

ملايين الشـباب الراحت اتعزّي
تـِـلگاهـَه القدر چـن ينتقم منهم

تعنوا (كربله) يحيون ضيم (حسين)-
يا دمع الشـباب انخـلط وي دمهم

مجاريح اشكثر والموته بالعشرات
حـِـنـَّه (الكربله) والموت لملمهم

وابصدر الشهيد الجرح ينزف حيل
المن يشـتـكي والسـِـمـَه الماتـرحم

تاريخ (العراق) الراح كله ادموم
مستقبل جهل والشـعب مسـتسـلم

ماظل كل أمل يا شـَـعب شوف اشصار
من نحچي الحقـيـقـَه ليش نتبلعـم ؟

هاليبچي الگلب والعين تگطر دم
كل يوم (العراق) اودمـَّـه بي مأتـم
--------------
أيلول / 2019
ســتوكهولم