البيت الآرامي العراقي

: حبيبي العربنجي : بورينا...و...بوريانا  Welcome2
: حبيبي العربنجي : بورينا...و...بوريانا  619888zqg202ssdr
البيت الآرامي العراقي

: حبيبي العربنجي : بورينا...و...بوريانا  Welcome2
: حبيبي العربنجي : بورينا...و...بوريانا  619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

 : حبيبي العربنجي : بورينا...و...بوريانا

اذهب الى الأسفل 
كاتب الموضوعرسالة
البيت الارامي العراقي
الادارة
الادارة
البيت الارامي العراقي


: حبيبي العربنجي : بورينا...و...بوريانا  Usuuus10
: حبيبي العربنجي : بورينا...و...بوريانا  8-steps1a
الدولة : المانيا
الجنس : ذكر
عدد المساهمات : 10368
تاريخ التسجيل : 07/10/2009

: حبيبي العربنجي : بورينا...و...بوريانا  Empty
مُساهمةموضوع: : حبيبي العربنجي : بورينا...و...بوريانا    : حبيبي العربنجي : بورينا...و...بوريانا  Icon_minitime1الأحد 3 أكتوبر 2010 - 22:07


حبيبي العربنجي : بورينا...و...بوريانا


03/10/2010



: حبيبي العربنجي : بورينا...و...بوريانا  Datei_1255380823والله عدنا خوش سوگ كلاوات، يعني مال يجي حزب خياسي سياسي ويسوي الشعار مالته " مرضاة الله غايتنا" فأكيد هذا حزب من كبار اللوتية وبياعي الكلام. وقبل چنا نتغنى بعمي يا بياع الورد، وراح ذاك الوكت، وصرنا بزمن يبيعون الكلام علينا ولازم نشتري حتى لو ما عدنا آذان نسمع بيها، وإذا ما نريد نشتري راح يدوخونا وما يخلونا نشوف دربنا المليان عبوات خاتلة، فاحسن شي نشتري منهم حتى لو بعدين نشمر إللي نشتريه بالزبل...ولو نوبات إحنا نروح بالزبل بسبب أخطاء تحكيمية !!
هسة خلونا نشوف شنو الموضوع ..
يعني هذا الحزب مو حزب سماوي (مو نسبة إلى السماوة) ولا يجي له وحي مرسل حاملاً رسالة من الله، هذا حزب يدّعي الفضيلة وهو يبيع الرزيلة (لاحظ عزيزي الرفيق المشاهد آني ما جبت أسم أي حزب ... يعني إللي راح يشتكي يثبت الرزيلة على نفسه)، وما اعتقد الله محتاج إلى حزب، هو ما شاء الله عنده ملائكة شايلين العرش ويسبحون بحمده ولا يعصون له أمراً، يعني ما محتاج إلى حزب يدخل بالإنتخابات حتى تجي حمدية إل...حــَسيني وفروج الحيدري الطازج يسوون منية عليه لأن وافقوا على إدراج هذا الحزب ضمن القوائم الإنتخابية رغم أكو دلائل على أن الله في وثائق معينة يسمونه الرفيق الأعلى....يعني أزلامي !!
هذا حزب أرضي، وأنصى من چعب القندرة...وشوفوا اللواتة السياسية بهذا الحزب، يعني إذا چفصوا والبوگ صار بالتواثي والنعلان والناس ما راضين عن الخدمات ولا عن الفساد القشمري...راح يجينا جواب واحد لا شريك له...راح يگولون إحنا من الاول گلنالكم ما يهمنا رضاكم...أنتو بالنعل، إحنا نريد رضا الله، مو رضاكم ولا رضا العبدالله.... وما معقول واحد من عدنا راح يروح يدگ باب الله ويسأله هو راضي عن هذا الحزب لو مو راضي!!
وخلونا أشوية نسولف شي منهجي وعلمي:
فمعروف في العمل الحزي أن كل حزب لازم يخلي برنامج لتحقيق الشعار مالته، ولازم تكون هناك مراجعة دورية لتقييم مستوى الإنجاز أو الإقتراب من تحقيق الشعار أو الغاية، يعني الغاية لازم تكون قابلة للقياس، خوش خريط موووووووو؟؟ زين بهاي الحالة شلون راح نقيس مقدار إنجازنا أو إقترابنا من رضا الله !! يعني ما أتصور إذا الله راضي راح نشوف إشارة ربانية أو علامة كونية نعرف من خلالها رضا الله عن هذا الحزب اللوتي.. يعني ما أتصور حزب ما جاب بالإنتخابات غير چم كرسي عنده حوبة عد رب العالمين إلى درجة يرسل إشارة كونية عد كل مراجعة دورية فصلية كدليل على إنجاز البرنامج السياسي للحزب...لا بالعكس...أكو هواية مؤشرات عدنا على عدم رضا الله...وما أتصور إللي جاي دا يصير بالعراق هدية ربانية للشعب العراقي لأن أنجزنا الخطة الخمسية في مرضاة الله وهسة الله يريد يكرمنا (ليش عبالكم المكرمة بس من الحكومة!! لا عيوني...نوبات تجي مكرمة من الله إذا سمحت الظروف السياسية)، بس أريد أدز رسالة إلى الله، ترى إحنا بالعراق ما ماشين عالصراط المستقيم لأن كل شي صار مفخخ بالعراق وكل الطرق مزروعة بالعبوات الناسفة والخاتلة حتى طريق الصراط المستقيم...للعلم رجاءاً والإطلاع وإبداء الرأي !!
وشوفوا إحنا وين والناس الأوادم وين! لا تروحوا بعيد وشوفوا إيطاليا، هاي شمرة بلغم من يمنا، جتهم وحدة هدية من الله لعباده الإيطاليين لأن نشروا العقيدة البيتزاوية في كل الطوبة الأرضية، ومثل ما تعرفون المؤمنون بيتزاويون، مو مهم بيتزا خضراوات لو بيبروني لو مارتيديلا لو بيتزا بيتنجان (إي والله العظيم أكو بيتزا بيتنجان وأكيد إللي أخترعها واحد عراقي حييييييييييل صداقة وي وحش الطاوة فريد شوقي) ...هذولة الإيطاليين جتهم وحدة أسمها سانزيانا بوريانا (أرجو البحث عن هذا الإسم بگوگول حتى تشوفون إمكانياتها الثورية) وما اعرف هي شتصير من بورينا يمكن بنت أخت مولانا الرفيق بوري، بس شلون بوريانا...فدوة لإيطاليا...شعارها الأساسي رضا الشعب إللي كاتله الهبري بروما وميلانو وفينيسيا ونابولي...أول شي تخلي الشعب راضي وبعدين الله كريم...رضا الله من رضا الشعب ومو بالعكس مثل حزب اللواتة مالتنا.
وهاي (بوريانا) كشفت عن كل إمكانياتها، وما خبصت روحها لا بالبيانات الحزبية ولا السياسية، بس گالت شوفوا إمكانياتي، ولا كتبت كراس عن برنامجها الحزبي أو الإنتخابي، ولا سوت بوستر وهي دا تبوس إيد البابا بنديكتس مثل ما سووا جماعتنا وهم يبوسون الواوا مال آغا على أكبر لو أصغر( أي مو عدنا درس حساب للصف الثاني الإبتدائي) خامنئي أو خائنمي...أيهما للتفلة أقرب !
يعني حتى البواري حظ وتختلف بإختلاف الاوطان والجنسيات والقوميات واللغات والأثنيات المتصالحة والمحافظات المتصارعة، فبوري مالتنا ماكو داعي أگول وأعيد إنجازاته الإيرانية لخدمة الشعب الإيراني (يمكن أكو خطأ مطبعي)، وما يقصر مولانا الرفيق بوري في مد البوري مالته للي محتاجه حتى من غير ما يگول أبو الحاجة أن هو محتاج لأن مو كل حاجة تنگال، اكو حاجات بيها حشمة.
أما بوريانا الإيطالية...صدقة عليج يا بوريانا وحتى زكاة الفطر حلال عليج...يعني شلون يا ربي...حتى بالصدر أكو حظوظ...صدر بوريانا يفتح النفس، اما الصدر مالتنا، فشوفته عبالك آمر الوحدة العسكرية من يجي ويگول ماكو إجايز ولا نزول خميس وجمعة...ولا أكو أي كتاب تسريح !!
وبوريانا الإيطالية دا تريد تفتح فروع خاصة لحزبها الراديكالي اللليبرالي إيماناً منها بعقيدة العولمة وان الخير لازم يعمم ويتعولم على كل الناس، وهسة عيون الرفاق من جماعتنا المعممين والمطربشين كلها دا تراقب التجربة الإيطالية، وحتى عيون الرفيق مولانا البوري دا تراقب التجربة الديمقراطية في روما لان إذا فازت سانزيانا بوريانا بالإنتخابات في إيطاليا راح نشوف مزابل في كل العراق من العمائم والطرابيش المزبلة لأن كل هذولة العممين والمطربشين راح يصيرون من أتباع آل سانزيانا بوريانا رضوان الشعب عليها، وحتى حزب اللواتة إللي شعاره (مرضاة الله غايتنا) راح يغير الشعار إلى (مرضاة بوريانا عقيدتنا). وطبعاً راح نخلي الرفيق مناف الناجي الناطق الإعلامي لهذا الحزب المتحرر من كل القشور الخارجية...أما الإسم المقترح لهذا الحزب الجديد فهو: كشف المستور في رضا الشعب المقهور !!
ومن هسة آني أصبعي جاهز لبوريانا...كيفها شي تريد تسوي بيه براحتها !! حتى أصابع رجليّ في خدمة سانزيانا بوريانا ومن على هديها وعلى عقيدتها الحزبية !!
habibarabenchi@yahoo.com
الرجوع الى أعلى الصفحة اذهب الى الأسفل
 
: حبيبي العربنجي : بورينا...و...بوريانا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: