جان بيتنا وملك النا يلمنا و حوشه جبير بالعراق جيرانا سني و شيعي ومايوم جان بيناتنا انشقاق من يمرض ابن السني الشيعي ياخذه للمستشفى بعناق والسني يروح لسوك ويجيب اشكال انواع المسواق بيناتنا ماجان اكو فرق مسلم مسيحي كلنا اخوه ورفاق الصبح زقازيق الاطفال بالمدرسه صدكوني لصوتهم مشتاق وهالشكل جنا كاضين العمر الجار قبل الدار بالمحبه والوفاق ملعون هالاجتبي ماعجبه الوضع وكال خل نلعب لعبة الفراق اجه عالشيعي وكله شوف السني كاعد بقصر وانت عالحصران واجه عالسني كله انت نايم شوف الشيعي متسلح و جارته ايران وخبطت هاي الناس بعضها وكالوا وين يروح المطلوب من الديان واستمر الذبح عالهويه الشيعي والسني والمسيحيين سدوا البيبان وفجروا الحسينيه وماخلوا كنيسه وكتلوا الموذن والقس والمطران وشبعت الناس من الذبح صح شبعوا بس ماشبع الاجنبي الشيطان واستمر الذبح هجت الناس قسم راح لسوريا وقسم لتركيا وناس عمان ناس سكنت مصر وناس سكنت الامارات وناس طلعتلها فيزا للسودان وماظل بالعراق بس اللي جايز من روحه لو الفقير الماعنده يروح لاي مكان بس العتب مو عالاجنبي ولا عالشيطان ولا عالزمان اللي غير العنوان العتب عالشعب شلون اتقشمر بسرعه وصار الشعب جوعان ليش همه ميدرون ميلمهم اي وطن لو حظن الوطن ضاع يفلان هسه رخص العراقي وكع بمحنه وضاع الوطن وصار اوطان عمت عين الزمان الخله العراقيين يطشرون و يمدون ايدهم للجيران العراق محفوره خارطنه بالقلب مايمحيها اي اي عدوان لاايران ولا امريكان .....
من هنا 
من هنا 
من هنا 
الأحد 17 أكتوبر 2010 - 16:14
