البيت الآرامي العراقي

حبيب العربنجي : تقرير من جماعة الغشمة Welcome2
حبيب العربنجي : تقرير من جماعة الغشمة 619888zqg202ssdr
البيت الآرامي العراقي

حبيب العربنجي : تقرير من جماعة الغشمة Welcome2
حبيب العربنجي : تقرير من جماعة الغشمة 619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

 حبيب العربنجي : تقرير من جماعة الغشمة

اذهب الى الأسفل 
كاتب الموضوعرسالة
الشماس عصمت الدهين
مشرف مميز
مشرف مميز
الشماس عصمت الدهين


حبيب العربنجي : تقرير من جماعة الغشمة Usuuus10
حبيب العربنجي : تقرير من جماعة الغشمة 8-steps1a
الدولة : المانيا
الجنس : ذكر
عدد المساهمات : 800
مزاجي : گدام الكمبيوتر
تاريخ التسجيل : 20/05/2010
الابراج : السرطان

حبيب العربنجي : تقرير من جماعة الغشمة Empty
مُساهمةموضوع: حبيب العربنجي : تقرير من جماعة الغشمة   حبيب العربنجي : تقرير من جماعة الغشمة Icon_minitime1الجمعة 29 أكتوبر 2010 - 23:46


حبيب العربنجي : تقرير من جماعة الغشمة Datei_1238524959تحت شعار (الشغلة بايگة هوا) تنظم جماعة (الغشمة) حملة وطنية كبرى لبتر الأصبع الإنتخابي..يعني الأصبع إللي بعصوا بيه الحبر الإنتخابي البنفجسي وذلك بعد ما جابت الجماعة ورقة وقلم وگعدت وحسبت وتوصلت للبيانات والأرقام الآتية وإللي أنصح بعدم قرائتها إذا بيكم ضغط أو يصعد عدكم السكر من الهبطة أو عدكم جالي من التخمة السياسية و من الوعود المحمضة.... وإليكم التقرير:
بعد حساب عرب وأخذ ورقة وقلم...إكتشفنا أن نائمات ونوام مجلس الدواب هم أحسن من ليونيل ميسي وكريستيانو رونالدو وواين روني ودروجبا وكل لواعيب كرة الطوبة إللي نحسدهم على عقودهم الخيالية، مثلاُ واين روني راتبه الأسبوعي 250 ألف جنيه أسترليني لمدة خمس سنوات بس لازم يركض في كل مباراة من الدوري الانكليزي مسافة تعادل مو اقل من 30 كليومتر، اما نائمات ونوام مجلس الدواب العراقي فراتب واحدهم هو 202 ألف دولار في 17 دقيقة فقط مع العلم أن 17 دقيقة بيها وقت التفتيش قبل الدخول إلى قاعة الدواب، ووقت لعبة كرة الطوبة الوحدة هو 90 دقيقة يعني راتب أي نائم أو نائمة شريفة إذا قارناه بواين روني راح يصير أكثر من مليون دولار في أسبوع إذا أخذنا معدل مباراة وحدة في أسبوع مثل الدوري الانكليزي، وبالعافية !!
لا... وأكو 92 مليون دينار ( تقريبا 73 ألف دولار) هدية لكل نائم ونائمة لأن تعنوا وأجوا لقاعة الدواب لمدة 17 دقيقة خلال خمسة أشهر...يعني أي نائمة شريفة هي أحسن من كاترين زيتا جونز إللي حسدناها على هديتها بمناسبة الولادة وإللي چانت خاتم ألماس بسعر 33 ألف دولار من زوجها مايكل دوكلاس ومن حسدنا صار بزوجها سرطان وراح يروح بدرب الزلگ... ومن أولى بشائر هدايا نائماتنا هي أن الشريفة المستورة بالعباية الحوزوية والتيارية النائمة مها البوري (ما شاء الله ...الله يكثر البواري من كل لون وصنف وشكل ) راحت لبيروت وسوت نيولوك من فوگ لتحت وعلينا ضاربة كبنك أسود وما نعرف وجهها من ظهرها أو سواد بختنا من عبايتها..
يعني 202 ألف دولار + 73 ألف دولار يساوي 275 ألف دولار لكل نائم ونائمة من أعضاء حظيرة الدواب في مجلس الدواب والنهيق.
والعدد الكلي لهذولة هو 325 وتكون النتيجة تقريبا 90 مليون دولار قيمة 17 دقيقة فقط... أغلى 17 دقيقة في التاريخ...يعني محاضرة ستيفنن هوكينغ مو هيچ ...وعلى رأي واحد دلال أراضي راح يخطب إبنية... أبوها طلب 30 ألف دولار مهر...فگال الدلال " ليش عيني...بنتكم كــــ(......)ــــها ركن لو شنو الموضوع" ونفس الشي ما أعرف هذولة النائمات والنوام عقولهم ركن لو وطنيتهم على شارعين !
شوفوا هذا الرقم وقارنوه برقم جائزة أعلنتها قناة عراقية كلش نافخة روحها وتالفة نفسها من الوطنية الشريفة .. يعني نوبات أخاف أفتح التلفزيون وأتفرج على هاي القناة لا تنگط عليّ الوطنية من الشاشة وتبلل الشرشف إللي موجود فوگ وجوا التلفزيون مثل كل بيوت العراقيين إللي يدللون التلفزيون بالشرشف ! هاي القناة أعلنت عن جائزة للبحوث ...وبصراحة ما أعرف طبيعة البحوث...والجائزة الاولى قيمتها مليون دينار عراقي ...يعني بلغة الدولار 800 دولار قيمة الجهد العقلي ...عليمن جاي يضحكون...ترى صدك صرنا قشامر بالمايونيز الحكومي.
وإذا نعرف أن سيارة هيونداي الجديدة موديل 2010 الصغيرة (ما أعرف أسمها التجاري) سعرها بالجملة هو 10 الأف دولار (وهذا الرقم أخذته من شركة تتعامل في بيع وشراء السيارات الكورية الصغيرة) فهذا يعني أن 90 مليون دولار يجيب 9000 سيارة هيونداي وبقسمة هذا الرقم على كل المحافظات العراقية بما فيها دولة مسعورستان راح تصير حصة كل محافظة 500 سيارة ممكن توزيعها على الناس...لو أنتو شاطرين بس بتوزيع البطانيات واللالات قبل الإنتخابات...يابة مرة سووها ووزعوا هدايا بعد الإنتخابات لو البلدية ما تقبل لو تنتظرون فتوى عمائمية أو مصادقة إيرانية .
وتعالوا وشوفوا...نسبة البطالة بالعراق بحسب تقرير التخطيط هي 25% من القوى العاملة (يعني إللي أعمارهم بين 25 سنة 50 سنة)..و أكو 42 شركة إيرانية تشتغل فقط في البصرة عدا عن المحافظات الأخرى...يعني مو نروح نرگع راسنا بالحايط لو شنو أقتراحكم ... أفتونا إن كنتم بالأرقام تفهمون !
إنتهى التقرير.........وبالعافية
يعني أتعجب من أسمع واحد يگول شنو الحل...لو شنسوي وكل الطرق مسدودة...يمعودين الفليبينيين سقطوا الدكتاتورية بالمشي...إي والله بالمشي...يعني ما راحوا أستوردوا الديمقراطية من أميركا ولا جابوا نظام بديل من تنزانيا...الكل طلعوا مشي إلى مبنى الإذاعة ودخلوا الإذاعة واذاعوا بيان سقوط الدكتاتورية...بكل بساطة...علما أن القاعدة الأميركية چانت موجودة في الفليبين وبعدها موجودة...وراح بيها فرديناند ماركوس وزوجته العاشقة للقنادر إيميلدا ماركوس. وطبعا آني ما أگول نصير مثلهم...لأن إحنا كل واحد يگول آني شعليّ ...بس شاطرين ندردم ونبچي بوجه الله !! بس گلتها معلومة بلكن تفيدكم في برنامج مسابقات تلفزيونية !
والأصابع إللي راح نلمها من حملة (الشغلة بايگة هوا) راح نصفطها...يجوز يجي يوم ونحتاج نتذكر الماضي...فشوفة هاي الأصابع تذكرنا بأيام...أيام...حلمنا مرة بالديمقراطية... وطلع الحلم كابوس !! وطول عمرنا ما نفهم الفرق بين الحلم والكابوس.
وهلا....ومليون دولار هلا
habibarabenchi@yahoo.com

الرجوع الى أعلى الصفحة اذهب الى الأسفل
 
حبيب العربنجي : تقرير من جماعة الغشمة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: