وينك يل العراق

اكتبنه على ايدنه بحبر المحبة

لو طاح الصنم انلملم خطاوينه

واكتبنه بگلوبنه وبماي العين

لو طاح الصنم انحامي اهالينه

وطاح الصنم ووسعت الفرگه

وياهو اليجي ياكل وينهش بينه

معسکرات ودول التّمو علينه

من فوگ وجوه کلشي حارگينه

وين اهلنه وين بيوت الربّع

وين الي چان والينه

نصرخ ونصرخ .. ياعرب

بس ماکو اليحامينه

وضلينه بس جثث

ويَّ التراب دافنينه

وحتى التراب ...

ملّ الدفن شلون دافنينه

هيچي صار بينه ..

وغدر العرب من كل باب

سمونه ونسونّه اسامينه

سنة وشيعة وانلعب بينه

وياهو اليشتهي يتفرج علينه

وصفينه بدم اهلنّه نتلاوه

والطائفيه كبر بينه

وياهو اليجي يلاوينه

الموت برخص التراب

ليش هيچي صار تالينه

نحمل تفكَ والموت حادينه

عالهويه نذبح الاخو

المذابح بالجيران وبينه

هجرنه الاهل بين الدول

بس وين اليدلينه

لبسنا الاسود کفن

والعصّابه شادينه

النجف والصدر رايه

واخونه العدو رادينه

طولنا اللحايا ثياب كصر

وبدين طه لعبنه

وغيرنه فتاوينه

مات بينه النخوه

مات عشگ التراب

ومر الوطن شاربينه

رحلنه بين الدول

نبوگ الفرح بدموع الندم

بس ماکو اليواسينه

الاخو ويه العدو

يسحگ ويشمر بينه

وشماتنه ترگص وتهزء بمآسينه

وهيچي صار بينه

بين الدول ذل ومهانه

وهيچي العمر كَاضينه

وينك يالعراق تشوف ولدّك

بين الدول شلون كَاضينه

وينك تشوف ماکواليلفينه

وماکو منك الجي يواسينه




منقول karimaliraqi.net