قصائد عن الغربة

كان عدنا بلد يسوى كل البلدان
إندار بيه الزمن وتغير العنوان
ملوك وثورات واحزاب جرّونا من حرب لحرب وحصار بكل زمان
وتغير حال الشعب وأصبح شعب جوعان
وشكد ماتوا من القهر، وشكد هاجروا شبّان
والمهاجر يدوّر وطن، وَلكْ وين الوطن يا فلان
يالْتنشد على الوطن، صار الوطن أوطان
أكراد وعرب وعجم ووياهم تركمان
كل واحد عنده علم ومغيّر الألوان
أقاليم ومجالس حكم، وجمعية وبرلمان
واسمك يا عراق اختفى، وظل بالكتب عنوان
وانّهب كنز الوطن وانباع بارخص الاثمان


صح العراق انجرح بس هذا مو مقياس.
النخل من ينجرح ما يشتكي من الفاس.
ما دام اسمنه عراق يعني احنه تاج الراس.
ينقاس بينه الذهب مو بالذهب ننقاس.
علمني جرح الوطن اظرب مثل للناس.
الخوه مو بالعدد الخوه رفعه راس.





منقول iairaq.com