نكت كلها بركة ااا

الريس مد إيده في جيبه لقي 5 مليون جنيه!!فزعل قوي وخاف
وقال إيه الفلوس دي؟ ديالفلوس دي حرام؟ فسأل أحد مساعديه فدله على
طريق الشيخ طنطاوي رئيس الأزهر وقالله: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة، فرد: 5 مليون بس إيه
النزاهة دي؟ دي بسيطة خالص يا ريس ما تزعلش نفسك؟ كل اللي هتعمله
هتروح وتطوف حول الكعبة 10 مرات .
الريس راح لقي عمنا صفوت فقال له: أنت بتعمل إيه هنا؟ أنت هتلف كام
لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟
روح شوف علاء ابنك جايب موتوسيكل وبقاله 3 أيام بيلف
...........................................

مبارك ماشي في الصحرا شاف تمثال ، قال لحبيب العادلي شوفلي التمثال ده

بتاع مين يا حبيب ، ربع ساعة رجع له حبيب العادلي و قاله : ده رمسيس
التاني يا فندم ، مبارك قاله : عرفت منين ،العادلي رد : اعترف يافندم

...........................

علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟

طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!

.................................

طلبوا الهجره من مصر

كلب وديك وحمار

فشرطوا عليهم لازم يقابلوا الريس

فدخل الديك فساله الريس ليه عاوز تهاجر من مصر ياديك؟

فرد الديك: محدش راضي صلي الفجر وانا عمال اهاتي عالفاضي زي اللي بيدن في مالطه
فرد الريس يصرح له بالهجره

ودخل الكلب فساله الريس هتهاجر من مصر ليه ياعم الكلب؟

فرد الكلب: ياريس البلد بقت كلها حراميه مش عارف اجري ورا مين ولا مين
فكتب يصرح له بالهجره

ودخل الحمار وساله: حتي انتا ياحمار عاوز تهاجر ليه طيب؟
فرد الحمار

بص ياريس بقي ماينفعش اتنين حمير في بلد واحده .. يا انا يا انتا !!!!
- - - - - - -

واحد سواق تاكسي حاطط 3 صور ل3 رؤساء... جمال عبدالناصر وأنور السادات وحسني مبارك..
شافوا مدير الأمن فأشر على صورة عبدالناصر وقاله مين ده؟
رد السواق وقال: ده الزعيم البطل عبدالناصر اللي حررنا من الانكليز.
وأشر على صورة السادات وقاله مين ده؟
رد السواق: ده الزعيم الشهيد اللي حررنا من اليهود.
وأشر على صورة مبارك وقاله: طب ومين ده؟
رد السواق: ده أبو علاء شريكي في التاكسي!!!!

فعــــلاً نكتــة قويّــــة !

مع الأســـف كلهُــــمْ حراميّــــة !

تسلم الأيادي استاذنا الفاضل ابو فرات ,

تحيّاتنا وآعتــــزازنــــا ...