زلمنه تخوض مي تشرين الشاعر مظفر النواب

زلمنه تخوض مي تشرين
حدر البردي
تتنطر
زلمنه تحز ظلام الليل
تشتل ذبحة الخنجر
..زلمنه الماتهاب الذبح
..تضحك
ساعة المنحر
,يساكي الشمس
, من عينك
, بعز الشمس
حب أخضر
, لون حلت نسمة الليل
,شعرك
تنشك العنبر
, أحط الحجل للثوار
, كمره زغيره
عــــــل المعبر
..وأشيم أترف النجمات
فوك شراعكم تسهر
سفن ( غيلان أزيرج ) ,تنحر الذاري
لون ودن سفنهم ,يمك أخباري

, وحك عينك
, أحط الروح
عــــل الساري
, وأفك الحسره
.. بشليلك
وأشوفك
أزغر أسراري
.. وأفك الشبكه
من أبعيد
أغله شراع
, أشبكك
.. شبكة ألنسمات
.. للنعناع
ليش ألروح ,يامدلول
, يمك


تنشره وتنباع
.. زلمنه أتخوض مي تشرين
.. حدر البردي
تتنطر
, زلمنه تغني وألخنجر
,يشك ألروح
( عــل الميمر )
.. لون كل الكصب
. غنــه
, بحنين لشوفتك
.. يا أسمر
يسل الكصب سل أصفر
وأضن ألماي يتمرمر
, وأضن حته ألنجم
يطفي زراكه
ولا بعد يسهر
وأضن أكثر

, سفن غيلان أزيرج
تضوي بالعبره
, ياغيلان
, ياغيلان أزيرج
كلبي ,شيصبره ؟؟
.. أخذ كل ألزلم
.. وأملي ألسفن
.. يا عيني
ألله وياك
, وفد جلمة عشك
.. حلوه
.. أضن الها مجان
هناك
ذبها بسكتة العنبار .. يا غيلان
خلها تعانك السكان , يا غيلان
شــارة نصر للسفان ,يا غيلان

.. يا معود
دخيل أمروتك ألسمره
.. دخيل ألشوك
.. أحب جفك
.. أحب أيدك
وشوف شفاف .. لو جمره
وليالي الصيف ,ما ودتلك أخباري
دسيل الجاري .. يحجيلك على الجاري
سفن غيلان راحت تنحر الذاري
.. وحك عين اتشوفك ميل
وأزود من مسافة ميل
. راحت تنحر الذاري



الشاعر مظفر النواب