البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

 مطر وبيانات واناشيد في ربيع التظاهرات ببغداد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البيت الارامي العراقي
الادارة
الادارة



الدولة : المانيا
الجنس : ذكر
عدد المساهمات : 9516
تاريخ التسجيل : 07/10/2009
التوقيت :

مُساهمةموضوع: مطر وبيانات واناشيد في ربيع التظاهرات ببغداد   الجمعة 25 مارس 2011, 6:16 pm

مطر وبيانات واناشيد في ربيع التظاهرات ببغداد



بغداد ـ خاص:
المطر الرائع (أو العائق) والنساء الكثيرات هما ما ميّز تظاهرة "الاقالة والمحاسبة" صباح الجمعة 25 آذار2011 بساحة التحرير وسط بغداد.
وكانت المظلات بعدد البيانات والاناشيد التي ضجت بها الساحة، او الاصح نصف الساحة لنصف نهار، فقد احتلت القوات الامنية نصف ساحة التحرير ولم تسمح للناس بالتواجد بعد الظهر.
ومن بين قامات الشعب المحروم المتظاهر، اطل "كوكب حمزة" بقامته المبدعة المديدة، كرة ثانية، باعتباره مشاركاً بل واحد من شباب ساحة التحرير.
وفي ادناه نصوص البيان والاناشيد الشعبية:



بيان ربيع التظاهرات في بغداد
25 آذار 2011
جمعة الاقالة والمحاسبة


مطالبنا:

1. اقالة (رئيس المجلس، المحافظ ، امين العاصمة) ومحاسبتهم، واختيار بدلاء من البغادّة الأكفاء حصراً .
2. توفير فرص العمل والتعيينات، وبشفافية.
3. توفير الخدمات (كهرباء، ماء صالح للشرب، مجاري، تبليط، ملاعب شعبية)، وتخفيض أسعار النفط والغاز والبنزين وتحسين نوعياتها.
4. صرف المفردات التموينية كاملة وبسرعة وبانتظام، والتعويض المالي المجزي والفوري عن النقص الذي بدأ منذ 2008.
5. جعل المدارس والمستشفيات صالحة للاستخدام البشري.
6. غلق ملف المعتقلين بحلين قضائيين عادلين سريعين، اما اطلاق السراح فورا او اصدار الاحكام، وعدم اعتقال اي مواطن دون مذكرة قضائية، مع عدم التساهل اطلاقا في القضاء على الارهابيين.
7. فتح ملفات الفساد المكدسة عند (هيئة النزاهة ولجنة النزاهة البرلمانية) والبدء بمحاكمة الفاسدين فوراً وعلناً، والغاء حماية الوزراء للفاسدين.
8. ترشيق الحكومة والغاء نواب الرئاسات (الجمهورية، الحكومة، البرلمان) كخطوة اولى لاصلاح النظام.
9. عزل المسؤولين الفاشلين وتغريمهم رواتبهم، ومحاسبتهم.
10. لا يزيد أعلى راتب في الدولة عن 5 ملايين دينار.
11. الاعلان عن محاكمة علنية لـ80 مزورا في انتخابات البرلمان و300 مزور في انتخابات مجالس المحافظات.
12. حل شبكة الاعلام العراقي، وفصل فضائية (العراقية) وجريدة (الصباح) عن مكتب رئيس الحكومة وربطهما بـ "لجنة الثقافة والاعلام" البرلمانية.
13. تعديل قانون الانتخابات (المحلية والبرلمانية).
14. التعجيل باصدار قوانين (التظاهر، الصحافة والتعبير، الاحزاب، النفط والغاز).
15. تكوين مجلس الخدمة المدنية (خارج المحاصصة والتوازن).
16. احترام وحماية الحريات المدنية والشخصية، وضمانها بقوانين.
17. الاعتذار الرسمي عن وصف شعبنا المحروم والمحتج ب "البعثيين"، وعلى رئيس الوزراء (أياً كان) القاء كلمة في 25 شباط من كل عام، يشيد فيها بالذكرى ويقدم فيها ـ ايضاً ـ منجزه الحكومي.
(جمعة ورة جمعة... والفاسد نطلعه)
شباب شباط ـ ساحة التحرير

نشيد (خايب)
لاالله يرضه بهاي خايب هو لا هيجي كالو خايب هو حك الصعدو ليفوك خايب هو بس بينة عالو خايب هو لاالله يرضه بهاي خايب هو لااحنه نرضه خايب هو يصعد ابو التزوير خايب هو ويتعله حظه خايب هو لاالله يرضه بهاي خايب هو
لااحنه راضين خايب هو ناس بتنك عايشه خايب هو وناس بملايين خايب هو لاالله يرضه بهاي خايب هو ولا احنه نقبل خايب هو عدنه النفط والخير خايب هو نبجي ونتوسل خايب هو لاشغل لامشغل خايب هو لاراتب عدنه خايب هو وفوك الدرد كله خايب هو اعتقلو ولدنه خايب هو لاكهرباء لاماي خايب هو لاحتى حصه خايب هو راس الشهر ايجار خايب هو والباقي غصه خايب هو دولتنه شكها جبير خايب هو ركعتها شويه خايب هو وخمس طعش الف خايب هو شتسوي ليه خايب هو عابتها من قناة خايب هو وعابن جذبها خايب هو ملتهية بالكارتون خايب هو وتنسى شعبها خايب هو يامجلس ابغداد خايب هو لاتصفن الها خايب هو لمن تحل روحك خايب هو كلها تحلها خايب هو شيل وشمر بالشط خايب هو كل الحكومه خايب هو للشعب ماينطون خايب هو والناس محرومه خايب هو لامية لاميتين خايب هو ولا تنفع وعود خايب هو اول ما نبدي كود خايب هو ترشيق الموجود خايب هو منصدك حجيهم خايب هو كلهم بواكه خايب هو راح العنب مانريد خايب هو انريد العلاكه خايب هو
موش احنه البعثيه خايب هو رئيس الوزاره خايب هو احنه الشعب ونريد خايب هو اصلاح وجاره خايب هو ياساحه التحرير خايب هو فوكاج التركي خايب هو بوجهي يسد الباب خايب هو ويضربه سركي خايب هو
خلاني وراح وراح -------------- والشعب مامرتاح



نشيد (يا كامل الزيدي)

بغداد وردة مفتحة يا كامل الزيدي
بغداد أم ماي العذب يا كامل الزيدي
بغداد شمعة بت هالبلد يا كامل الزيدي
بغداد ما ترضة العبث يا كامل الزيدي
بغداد ما ترضة البعث يا كامل الزيدي
بغداد ما ترضة الظلم يا كامل الزيدي
بغداد أم حضن الأدب يا كامل الزيدي
بغداد أم المرجلة يا كامل الزيدي
بغداد كلهة عاصفة يا كامل الزيدي
بغداد ما تقبل غلط يا كامل الزيدي
بغداد ما تقبل خنك يا كامل الزيدي
بغداد أشعار وفكر يا كامل الزيدي
بغداد دجلة والنخل يا كامل الزيدي
بغداد أم النصب يا كامل الزيدي
بغداد مليانة حفر يا كامل الزيدي
بغداد مليانة زبل يا كامل الزيدي
بغداد تطفح بالمطر يا كامل الزيدي
بغداد ليش مغبرة يا كامل الزيدي
بغداد ليش معثرة يا كامل الزيدي
بغداد ييزينها صبر يا كامل الزيدي
بغداد نزلت للقعر يا كامل الزيدي
بغداد ما تريدك ابد يا كامل الزيدي


نشيد (كلهم حرامية)

تردون الصدكًـ كلهم حرامية
حركَونا حركَـ كلهم حرامية
بجوا عينه كلهم حرامية
باكَو بيتنه كلهم حرامية
باكو ليلنه كلهم حرامية
هدو حيلنه كلهم حرامية
خلصوها لفط كلهم حرامية
ما شفنه نفط كلهم حرامية
شبعونه فقر كلهم حرامية
بس ضيم وقهر كلهم حرامية
وبتخصيصهم كلهم حرامية
وبتحصيصهم كلهم حرامية
بوزارات الجذب كلهم حرامية
خلصوها لعب كلهم حرامية
خلونه تره كلهم حرامية
نرجع ليوره كلهم حرامية
نطلبهم وعد كلهم حرامية
وما نسكت بعد كلهم حرامية
نسوّد ليلهم كلهم حرامية
نريد نقيلهم كلهم حرامية
صلاح نقيله كلهم حرامية
الزيدي نشيله كلهم حرامية
وصابر ما يظل كلهم حرامية
بعد ما نحتمل كلهم حرامية


الرجوع الى أعلى الصفحة اذهب الى الأسفل
 
مطر وبيانات واناشيد في ربيع التظاهرات ببغداد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» توافق برج الدلو مع باقي الابراج!!
» كيف اهتم ببشرتى واعمل الميكب
» ماسبب الالام اسفل البطن والافرازات المهبلية الداكنة اللون في بداية الحمل ؟
» شرح طريقة تركيب طبق متحرك وبالصور حصريا
» بدل رجالى

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى الثورة العراقية Iraqi Revolution Forum-
انتقل الى: