اكو يماشيك

أكو ايماشيك

أكو ايماشيك حد الكَطع الانفاس
واكو بيهم من صحبته الحد ركبته

أو وين الما تشوفه ساعة الضيج
أو ويــن اليــحط كَدامــك ركبتـــه

أنا كَبل العزيز الطاح اطيحا ً
أو يمنتي تعوفني وتلزم يمنته

الأحبه مو ورد لو صار عاكَول
لو عاكَول هم اشتمله كَصته

أو كَبل لاتحجي أدري شرايد تكول
او عليمن هالحجي خليها سكتة

عود آنا أحب غيرك منو كَال
حتى بالحلم غيرك كرهته

أكو ايحبني أو أكرهه هذا غيرك
أو يكرهني وأحبه هذا انتة

أو ما اريدك سهل مالي فخر بيك
الفخر من تصعب انتة وآنا اسهلك

أو مدامك طير تحتاج آنا اربيك
وآنا افتح اجناحك وآنا اشكلك

أو ترى خيطك بدي لتروح لبعيد
بس تلعب ابذيلك والله انزلك

خابص نفسك انتة وكالب الكون
شنهي الخالقك ماخلق مثلك

صحيح الخالقك بيك اعتنى هواي
مو بس معتني امبدع بشكلك

لكن يا نجم لا تنكر الليل
لو مالليل ياهو الشاف شكلك

أو ما ابدلك لأن ربك امرني
اذا يخلقني ثاني ايجوز ابدلك

أو اذا بدلتك آنا افترض فد يوم
هم اكره بديلك حتى اردلك

أحبك حب ولا مر على انسان
تدري اشكَد احبك راح اكَلك

لو انتة حبل وتشد ركَبتي
واحس بروحي تطلع ما أفلُك