البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

 قائد قوات الخمط السريع ـ حول الوضع الحالي في العراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشماس يوسف حودي
مشرف مميز
مشرف مميز







الدولة : العراق
الجنس : ذكر
عدد المساهمات : 5344
مزاجي : أكتب
تاريخ التسجيل : 02/01/2010
الابراج : السرطان
التوقيت :

مُساهمةموضوع: قائد قوات الخمط السريع ـ حول الوضع الحالي في العراق    الجمعة 08 أبريل 2011, 9:15 am

قائد قوات الخمط السريع

بقلم: سرمد الجراح -

برياني اخبار

بسبب عِظم المصائب في بلد الزلازل السياسيه اصبحنا نستصغر الهزات الصغيره, والتي لو حصلت في اي مكان اخر في العالم, لأحدثت دمارا سياسيا شاملا لايُستهان به. نبدأ بأولها وهي لاتقل عن سبع درجات على مقياس الفرهود والفساد

تحدثت الاخبار ان قائد قوات الرد السريع والمرتبط مباشرة بالقائد العام للقوات المسلحه, طلع مرتشي وضبط بالجرم المشهود!! غير صدفه ماتحدث إلا الفين مره بالثانيه بالبلد المنكوب والمركوب.

لا وشوف رد فعل السياسيين!! لا احد تعجب! ولا واحد طلعن حواجبه ليفوق! ولا اشتعل كلوب فوق راسه علامة للتعجب مثل افلام كارتون.

حدث جدا عادي في بلد المليون مرتشي!!

نريد نعرف من السيد ضخامة الرئيس, هذا صاحبك وانته جبته؟, لو دلّوك عليه الحبربش اليمّك؟ فإذا صاحبك, عندها نسكت عن الكلام المباح!! وإذا وصفه طبيب, فمن الافضل لجنابكم ان تعيّن بمكانه طبيب بيطري لمعالجة حالة العقم التي اصابت بغلة الامانه والاخلاق في بلد تسونامي العمايم.

همسه في اذنك يا سيادة رئيس الوزراء, عندما كان الدكتاتور يحكم لم نكن نهتم او نتأثر عندما نرى زبانيته من الجهلاء والوصوليين في سدة الحكم, لأن الدكتاتور لايمثل الا نفسه.

ولكن عندما نرى حكومه منتخبه تمثل العراقيين (بكل ماتحمله كلمه العراق من موروث) تحيط نفسها بهكذا نماذج فأن الخجل والحسره والمراره تكاد تقتلنا.

-عشرون الف شهاده مزوره

لجنة النزاهه في البرلمان تتحدث عن اكتشاف عشرين الف موظف بشهادات مزوره!!

يا اخوان ماتشوفون ان وزارة التربيه ووزارة التعليم العالي قد انتفت الحاجه اليهما؟

اصبحت عدنا جهات مختصه في سوق مريدي ومول العوره, تمنح الشهادات بكل كفاءه وبجميع الاختصاصات العلميه ومعترف بها من قبل جميع محلات بيع الطرشي واحزاب المحاصصه في الوطن المكبسل


بعد على شنو تخسر الدوله الاف الدولارات حتى تخرج مهندس او طبيب او محامي, وحاطين وزارتين, ودايخين بمشكلة البطاله بين الخريجين, وشالعين قلب الطلاب امتحانات ودوام, بينما يمكن ان يستغلون الوقت الضائع وسنين الدراسه بمزاولة هوايات اللطم اوالتطبير او بالنقاشات المهمه والمصيريه باحقية الخلافه لعمر او علي؟ لما فيه فائدة الوطن.


بعدين الحوزه جاي تخرج بالسنه اكثر من الف رادود غير الكفاءات الايرانيه المستورده, تريدوهم هم يصيرون بطاله؟ غير يكثرون اللطامه حتى يلكون شغل!!


(المائة يوم ليست لأنجاز الاعمال!! وانما لتقييم عمل الوزراء, إذا ماكانوا صالحين للمنصب!!) هذا هو تصريح السيد رئيس الوزراء الاخير عن المائة يوم التي وعد بها المحتجين من الشعب.


كون اركب مركبه فضائيه وادور مجرة درب التبانه تبنه تبنه, واشوف اكو دوله يسوون براسها تجارب هيج. هيه دوله لو فريق طوبه ويلعب لعبه وديه, والمدرب يجرب اللواعيب وكل شويه مبدل لاعب!!


هاي بأي مكان بالكون صايره قبل وبأي كوكب؟ يا ناس آني دايخ لو اكو شئ ما دا افتهمه. يعني إذا طلع مايدبرها نجيب ثاني ونجرب مائة يوم جديده؟؟.


وإذا جبنا معمم راح يكول, للذكر مثل حظ الانثيين ويريد ميتين يوم. وبعدين يقول: وان يوما عند ربك كألف سنة مما تعدون. يعني منين مانلزمكم تتزلبطون؟؟


يا سيادة رئيس الوزراء ويا ساده رؤساء الكتل, بدل ما تجربون براس الوزارات, عندي اقتراح, انطوا كل مرشح عشر صخلات يسرح بيهن! ووره مائة يوم اوزنوهن!! اذا ناقص وزنهن يعني هذا مايفتهم, واذا زايد يعني يفتهم!! بس اني متأكد ماراح يرجع من العشر صخلات ولا حتى بعروره.





الرجوع الى أعلى الصفحة اذهب الى الأسفل
mokhlis taufik
عضو فعال جداً
عضو فعال جداً



الدولة : العراق
الجنس : ذكر
عدد المساهمات : 333
تاريخ التسجيل : 11/12/2010
الابراج : الميزان
التوقيت :

مُساهمةموضوع: رد: قائد قوات الخمط السريع ـ حول الوضع الحالي في العراق    الجمعة 08 أبريل 2011, 10:27 am

وماخفي كان اعظم .. حرام نطلق على العراق اليوم اسم ( دولة ) والغابة تليق به اكثر
الرجوع الى أعلى الصفحة اذهب الى الأسفل
 
قائد قوات الخمط السريع ـ حول الوضع الحالي في العراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: