(( واثق فيه )) بقلم الشاعر اندراوس عبد المسيح

شفيع الطلبة

واثق فيه

اللى اتجسد علشانى مـــــــش ممكن يوم يسبنــــــــــى
بالـــــرغم انـى بعتة كتير لـــــــــــــــــكنة ابدا ما يبعنى
دا جـــــــــــــة من السماء علشانـــى لانة فعلا احببنــى
...مش بــــــــس الله اتجسد دا اتصلــب علشان يخلصنــى
وبعــــــــــــد تلات ايام قام علشــان من الموت يحررنى
علشـــان كدا انا واثق فية مــــــــــن اى خطر هينقذنــى
بنـــــــــــام وانا مرتاح البال يسوع سهـــــران يحرسنى
اصـــــــل عينة عليا تملى ومــــــــــــن اى شر بينبهنـى
مـــش ممكن احس بخوف طـــــــــــالما ايدة بتمسكنـــى
هـــــو معايا فى اى مكان فى امريكا فى لندن يباركنــــى
بينجــــينى من فخ الصياد فالرب هو قوتـــــــى وحصنى
تحـــــت جناحة انا بعتصم لأنة عدلة ســلاح بيحاوطنـى
واثق فية طبيبى الشافى مــــــــــــن اى وباء بيطهرنــى
معــاة قلبى تملى مطمن ظلام الليـــل مش بيخوفنـــــــى
ولا حتـــــــــــى فى النهار سهـــــم يطير مش يرعبنـــى
هو الـــــــــــــهى هو رجايا اتكلــت علية هو يساعدنـــى
ولما بصــرخ بـــصوتى علية الاقى اذنية دايما تسمعنــى
يقولى لا تخـــــــــــف انا معك فصوتة الحنين يطمنـــــى
هو اللــى قال فى الشدة فـــى الضيق تعالى اطلبنــــــــــى
انقذك يا ابنى على طول انقذك فى الضيق فتمجدنـــــــــى
انا ممــكن يوم انــــــساة لكــــــــــنة هو دايما فاكرنـــــى
انا واثق فيك يــــــــــا ربى مـــــــــن اى خطر هترفعنـــى
رجلى مش هتتصدم بحجر دا كــــــلامة وهو بية وعدنــى
منا ابنة وهو ابويــــــا اللى اتـــجسد علشان يخلصنــــــى

بقلم الشاعر اندراوس عبد المسيح

(( واثق فيه )) بقلم الشاعر اندراوس عبد المسيح 196793_466112670102996_524121363_n