البيت الآرامي العراقي

 حبيب العربنجي :اليوم عشرون ساعة فقط  Welcome2
 حبيب العربنجي :اليوم عشرون ساعة فقط  619888zqg202ssdr
البيت الآرامي العراقي

 حبيب العربنجي :اليوم عشرون ساعة فقط  Welcome2
 حبيب العربنجي :اليوم عشرون ساعة فقط  619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

  حبيب العربنجي :اليوم عشرون ساعة فقط

اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام
Dr.Hannani Maya


 حبيب العربنجي :اليوم عشرون ساعة فقط  Usuuus10
 حبيب العربنجي :اليوم عشرون ساعة فقط  8-steps1a
الدولة : العراق
الجنس : ذكر
عدد المساهمات : 60487
مزاجي : أحب المنتدى
تاريخ التسجيل : 21/09/2009
الابراج : الجوزاء
العمل/الترفيه العمل/الترفيه : الأنترنيت والرياضة والكتابة والمطالعة

 حبيب العربنجي :اليوم عشرون ساعة فقط  Empty
مُساهمةموضوع: حبيب العربنجي :اليوم عشرون ساعة فقط     حبيب العربنجي :اليوم عشرون ساعة فقط  Icon_minitime1الجمعة 20 مايو 2011 - 1:29


حبيب العربنجي :اليوم عشرون ساعة فقط


20/05/2011





 حبيب العربنجي :اليوم عشرون ساعة فقط  Datei_1255380823هاي مو عنوان لرواية أنافس بيها رواية (الساعة الخامسة والعشرون) للروائي كونستانتاس جورجيو، ولا هي رواية أنافس بيها روايات الجنون الواقعي للعبقري ماركيز...بس عنوان هاي المقالة هو قصة الكلاوات في الوعود الحكومية العراقية
...وهالمرة جتنا كلاوات من أبو الكفشة الحيدرية إللي تنافس كفشة هادي العكايشي أو كفشة فلاح حسن واللحية الأعجمية السيد حسن العنيد ..فالسيد حسن أبلغ جميع مواطني محافظة ذي قار البطلة أن اليوم في مدينة الناصرية هو فقط عشرون ساعة لا غير !
قال هذا التفلة – العفو اقصد الفلتة – أن مدينة الناصرية راح تتمتع – إي والله گال راح تتمتع – بالكهرباء الوطنية لمدة ثمان ساعات كتابة (رقماً 8 ساعات) يومياً...وبكهرباء المولدات الأهلية لمدة إطنعش ساعة كتابةً (رقماً 12 ساعة)....ومثل ما تشوفون اليوم عد السيد حسن فقط عشرين ساعة...مو تمام لو آني غلطان بالحساب ودرس العلوم والوطنية؟
ولكم مو كافي البوگ النوب تبوگون ساعات أعمارنا !!! أدري أربع ساعات إللي ظلت وين راحت...بجيب منو لو تحت عمامة يا حجة لو يا آية؟؟ مولاي حسن ما سألت نفسك ولد الخايبة بالناصرية شلون راح يتدبرون أموراتهم بالصيف بأربع ساعات لا وطني يعمل ولا أبو المولدة ينطيهم كهرباء !! بيا جهة راح ينامون وهم ينسمطون من الحر !! ولك حتى الخصاوي راح تتلف من الحر ؟ لو إللي يروح للمستشفى بهاي الساعات الأربع إللي ما بيها كهرباء لا من كرم الحكومة ولا من كرم الباري (يعني المولدة) شنو حالته لو وين يطگ راسه..لأن ما راح يشوف الحايط من الظلمة والقهر حتى يطگ راسه بالحايط...والله اقترح عليكم توزعون قطع حيطان لكل عراقي حتى وين ما يمشي ووين ما يصير يگدر يطگ راسه بالحايط وهو الممنون من الحكومة...على عناد أبو نونة...ممنون منكم على هذا الإجراء الثوري والتقنية الفورية !
وأتذكر هنا قصة قصيرة لكاتب إيطالي نسيت أسمه – لا مو إيتالو كلفانو بس چان بنفس المجموعة مال قبو البصل – المهم بهاي القصة أكو واحد گاضي عمره بوگ وإجى يوم وتاب وراد يشتغل شغلة شريفة وراح لصديقه وچانت عنده مطبعة وطلب يساعده ويلگيله شغلة...وصديقه گال أوكي – بس بالإيطالي – انت شنو تگدر تسوي؟ گال أعرف أترجم..وإهناك صديقه ومساعدة منه نطاه قصة قصيرة وطلب منه يترجمها...وراح صاحبنا إللي چان يبوگ وتاب حتى يترجم القصة...وإجى ثاني يوم وي القصة الأصلية والنسخة المترجمة...ومن قرا صاحب المطبعة القصة المترجمة باوع على صاحبه وگال..." صدگ إللي متعود على البوگ ما يگدر يتركه...ولك بالقصة الأصلية خمس وعشرين ثريا شلون صارت بالنسخة المترجمة عشرين ثريا؟؟ "
وأعتقد السيد حسن من نفس الطينة مال هذاك المترجم ، يعني بواگ تارك لأسباب حزبوية مو لغير شي...ويوم إللي حنّ لمهنته السابقة باگ أربع ساعات من اليوم في مدينة الناصرية...الناصرية إللي چانت مدينة العرق والأرق من كثر الكيف والطرب إللي بيها...يسكرون ويسهرون من العشگ...مو تمام عيوني حسين نعمة لو آني غلطان...أصلاً الناصرية چانت بيروت العراق من كثر ما هي چانت منفتحة عالثقافات وما اريد أگول أكثر أخاف هسة الرفيق حميد مجيد أبو خد التفاحة يدگ طبل ويگول طلع العربنجي رفيق من جماعة لينين...يابة لا لينين ولا ماركس ما أشتريهم بنعل ما يسوى فلس حتى بديرة عفج !
ومثل ما گال صديقي إللي ذقنه يشبه رأسه إن تخبل وفقد الامل في العراق البائس اليائس ما دام أكو خمس ملايين لاطم ولاطمة يروحون لقبر المجنى عليه من أهله الشهيد الحسين...ولا يطلعون نص ربع هذا العدد (إي مو هو عرقچي ولازم يجيب نص ربع بالسالفة) من الشغلة تصير شغلة وطن !! وأعتقد صاحبي وصديقي هذا بعده حلمان...لأن أصلاً هو وين الوطن حتى تصير الشغلة شغلة وطن....عيوني چيك الزقنبوت مالتك أخاف أم الجهال خابطة الإسبرتو بالماي مو العرگ ! لو الجاجيك چان بلبن إكسباير !
وإذا چانت الحكومة تتباهى إن هي گدرت تنطينا ثمان ساعات كهرباء باليوم بعد ثمان سنوات ديمقراطية و283 مليار دولار إللي دخلت للعراق من تصدير النفط من يوم شهر أيار 2003 ولحد شهر آذار 2011 مثل ما گال الوزير السابق عصام الچلبي...فأعتقد راح يجي يوم وكل عراقي راح يكتب ببيته يم لوحة تحويل المولدة بدال (وطني لا يعمل)...راح يكتب...وطني وينه !!


صدگ....وطنــــــــــــــي وينـــــــــه ؟


habibarabenchi@yahoo.com

الرجوع الى أعلى الصفحة اذهب الى الأسفل
 
حبيب العربنجي :اليوم عشرون ساعة فقط
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: