البيت الآرامي العراقي

 حبيب العربنجي : بكيفكم...أختاروا  Welcome2
 حبيب العربنجي : بكيفكم...أختاروا  619888zqg202ssdr
البيت الآرامي العراقي

 حبيب العربنجي : بكيفكم...أختاروا  Welcome2
 حبيب العربنجي : بكيفكم...أختاروا  619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

  حبيب العربنجي : بكيفكم...أختاروا

اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام
Dr.Hannani Maya


 حبيب العربنجي : بكيفكم...أختاروا  Usuuus10
 حبيب العربنجي : بكيفكم...أختاروا  8-steps1a
الدولة : العراق
الجنس : ذكر
عدد المساهمات : 60487
مزاجي : أحب المنتدى
تاريخ التسجيل : 21/09/2009
الابراج : الجوزاء
العمل/الترفيه العمل/الترفيه : الأنترنيت والرياضة والكتابة والمطالعة

 حبيب العربنجي : بكيفكم...أختاروا  Empty
مُساهمةموضوع: حبيب العربنجي : بكيفكم...أختاروا     حبيب العربنجي : بكيفكم...أختاروا  Icon_minitime1الخميس 23 يونيو 2011 - 2:30


حبيب العربنجي : بكيفكم...أختاروا


20/06/2011




 حبيب العربنجي : بكيفكم...أختاروا  Datei_1223025696 اليوم راح نسولف عن موضوع قديم بطريقة جديدة، أو مثل ما يگولون عرگ فل ببطل جديد وكشخة .الكل متفقين على أن موضوع الكهرباء صار كلش عتيق أعتق من اليمني برجل واحد مهتلف، واليمني هنا بحسب المفهوم العراقي مو بحسب المفهوم السياسي والدبلوماسي
لأن ما عدنا قرصاغ يجون جماعة الشيخ الأحمر ويطالبون بالتعويضات من الوزارة الخارجية لصاحبها كاكا خوش خيار، والشغلة تصير بيها طلايب وإحنا نعرف جماعتنا وكرمهم وسخائهم بموضوع التعويضات، إيدهم والمليار وطبعاً الشيخ الأحمر ما ينسى يخلي تعويضات ترميم وإعادة بناء قصره همين على العراق....فرهووووووووووود عالمكشوف مثل السمچ المسگوف.
بس الطريقة الجديدة في عرض موضوع الكهرباء هي أن شغلة الكهرباء بالعراق لها إمتدادات دينية وتساعد على تحسين السعادة الأسرية وخاصة سعادة الاطفال، وحتى لا تدوخون أكثر من دوختنا بموضوع الوزراء الامنيين راح أشرحلكم الموضوع، وعلى رأي شعار راديو سوا...راح انقل إلكم السالفة بالكلام ليكتمل عدكم طيحان الحظ !
راح تگولون شنو علاقة الكهرباء بالدين والصلاة ويوم القيامة...وآني راح أگوللكم أكو علاقة مثل الرارنج باللبلبي .. لأن من تصير حالة وطني لا يعمل والدنيا ليل وعتمة، والمولدة إستراحة الكلاوات ...ومن تطول العتمة ويجي الكهرباء بعد طول غياب قسري عن مشهد العائلة وترجع حالة وطني يعمل، نسمع أمهاتنا كلهن يصيحن ( صلوات على نور النبي) هذا للكتلة السنية جماعة أبو حنيفة النعمان، أو (اللهم صلي على محمد وعلى آل محمد) وهذا خاص للكتلة الشيعية على إختلاف إنتماءاتها الولائية وأئمتها الأثني عشرية أو العلوية سواء حزب دعوة العراق أو حزب دعوة إيران أو حزب الله فرع رواندا . وبما أن الصلاة على النبي من الحسنات والحسنة بعشر أمثالها (هاي إذا ماكو عرض خاص من تصير الحسنة بسبعين امثالها)، فشوفوا الحسنات إللي تكسبها الحكومة من شغلة الكهرباء، يعني حتى لو الحكومة ما تشتغل وتگعد بالبيت بس راح تحصل حسنات عبالك بوري 36 إنج مفتوح وكاك ما ندري وين ، أصلاً إحنا مستعدين نعبي أچياس نايلون بكل چيس ألف حسنة ونتبرع بيها للدول الكافرة إللي ما عدهم لا دين ولا صلاة بس لأن إنسانيتنا العالية تريد الخلاص والحسنات لكل البشر فراح نتبرع بحسناتنا الزايدة لباقي الأمم لعل وعسى نشوفهم بالجنة ويانا...
جنة جنة جنة والله يا وطننا
....يا وطن يا حبيب
...يا أبو تراب الطيب
...حتى كهربائك جنة...حتى أمبيرك جنة
هذا أولاً مثل ما علمنا السيد المالكي من نحچي لازم نذكر الرقم لو يعتبر الكلام لغوة زايدة وتصفيط جمل ما بيها مصداقية ...عبالكم جاجيك بلا لبن ...يعني عرگ سادة...إي مو أكو حتى بالعرگ سادة والدليل أكو بطل عرك بقبغ أخضر وأكو بقبغ أسود...لأن عرگ سادة ومعمم !
أما ثانياً...يعني علاقة الكهرباء بالسعادة الأسرية ...فبعد ما يرجع الكهرباء إلى حالة وطني يعمل (لا تنسى عزيزي القارىء المحترم أن الدنيا ليل وعتمة) نشوف الأطفال يضحكون ويصفگون وههههههههههههيييييييييييييييي...ضحكة بريئة من الگلب ما تحققها أي لعبة أطفال ولا حتى ديزني لاند بفرعيها في أميركا أو باريس.
فأرجوكم بلا بطر ونكران نعمة...ترى راح يزعل حسين نعمة والشغلة تصير يا حريمه
إحنا بخير ..وبما أن إحنا بالعراق مؤمنين بقسمتنا الگشرة، فحالنا حال المؤمن (لم يحدد الحديث النبوي نوعية المؤمن هل هو إيمان ديني أو سياسي أو حزبي) وبحسب الحديث النبوي أن كل أمر المؤمن خير...إن أصابته نعمة شكر، وإن أصابته مصيبة صبر، فبكيفكم أيها العراقيون المؤمنون...بكيفكم تختارون الشطر الاول من الحديث وتحسبون نفسكم في نعمة فتشكرون، أو تختارون الجزء الثاني من الحديث وتشوفون نفسكم في مصيبة فتصبرون... أختاروا بكيفكم بكل شفافية وديمقراطية وحق تحرير الحمير ! بس كتبوا عناوينكم حتى نجيكم !!
والعاقبة للكلاوات واللوگية...وإللي حافظ أغنية بابا أبـــح !أو بوس الواوا !
habibarabenchi@yahoo.com


الرجوع الى أعلى الصفحة اذهب الى الأسفل
 
حبيب العربنجي : بكيفكم...أختاروا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: