البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

 : حبيب العربنجي . مراجيح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البيت الارامي العراقي
الادارة
الادارة



الدولة : المانيا
الجنس : ذكر
عدد المساهمات : 9525
تاريخ التسجيل : 07/10/2009
التوقيت :

مُساهمةموضوع: : حبيب العربنجي . مراجيح   الأحد 26 يونيو 2011, 3:14 pm


حبيب العربنجي . مراجيح


25/06/2011




[ندعوك للتسجيل في المنتدى أو التعريف بنفسك لمعاينة هذه الصورة]ما أعرف ليش القياسات العراقية او standards هي نفسها في زمن الأزلام وأعداء الأزلام، نفس الطاسة ونفس الحمّام مع إضاقة قذارات مرحلة الأزلام عالطاسة، والحمام صار يلعب النفس. نفس العقلية...أكبر أذية
للشعب بأقل التكاليف وأرخص الوسائل المتاحة....وفرق السعر بالجيب مولانا !
بوكت الأزلام، بكل الحدائق العامة ، من چانت أكو مراجيح وزحليگة جان يخلون الأرضية كونكريت حتى الطفل من ينزل من الزحليگة مباشرة ينچبح بالكونكريت ويتأذى، وچانت الزحليگات لازم بيها بالنص حديدة طالعة مثل الموس حتى تشگ بنطرون الطفل إذا چان عنده بخت ولابس بنطرون طويل، أو تنجرح رجليه إذا چان الطفل من هواة الشورت وأبوه من مشجعي برشلونة، أو يخلون رمل مليان قطع زجاج مكسر عد المراجيح حتى من ينزل الطفل يتأذى وحتى لا ينزع النعال رمز مرحلة تاجر النعلان وحتى نعرف أهمية النعال للفرد والمجتمع والتنمية البشرية والقضية الفلسطينية من ألف تفلة ونعال على مركزها ومحورها وقادتها ورموزها ..
والأزلام إللي أجوا بالقطار راحوا بالدبابة، وراح وكت عجل يابة والويلاد وهز الشوارب والزيتوني، وإجى وكت المحابس الحيدرية والعمامات الملونة أخصر وأحمر وأسود والأبيض
سود عمائمنا
حمر طرابيشنا
خضر ساداتنا
بيض نص مولانا
وإجى وكت تقديس الميت وذكرى حنة الميت وجرح الميت وعرس الميت ودفن الميت وموتة الميت، ظلت نفس العقلية في إيذاء الشعب، روحوا شوفوا كل ملاعيب الاطفال والمراجيح الهوائية في العراق المفدرل أبو الچروخ ، المرجوحة بصفها سياج حديدي حتى الطفل من يوگع وجهه يجي لطش عالسياج وبحسب قوة دفع المرجوحة تجي الأذية، وشوفوا دولاب الهوا، على بليتة حديدية كلها نتوءات، ومكان لعب ترامبولين (القفز عالسبرينگات) داير ما دايرها عواميد حديد حتى الطفل يقفز وراسه بالحديد إذا مو خوش قافوز....وهو وبخته عاد أبوه كلاوچي ويعلم طفله شلون يقفز عالأچتاف، لو خوش ولد ما يعرف السبت من الاحد! لو الزحليگة...عملية تعذيب مستمرة تبدي من الدرج وتخلص بصراخ الأب وبكاء الام والطفل بنهاية الزحليگة والأسباب...شحچيلكم....لو من كل مديرية أمن نجيب تعذيب ما يطلع الكوكتيل بهالشكل.
البلديات مالتنا تبوگ خوش بوگة وعيني باردة عليهم، الشوارع تلمع من تنعكس أشعة الشمس على الأكياس النايلونية إللي تارسة الشوارع، شوارعنا ملونة بفعل الزبل، كارتونة بيض جايف، دجاجة ميتة، چلب نايم بالطين ودا يهز ذيله بقرب جماعة ينتظرون تاكسي، زمايل تتناسل بين البيوت والأطفال يگولون (بابا هاي الصوندة شنو !!) وتعال وجيب جواب ! ...هذا مشهد من شارع مساحته 25 متر مربع.
البوگ ميخالف وتعودنا عليه بس نريد تغيير...الحرامي من يبوگ تبين البوگة باهله ولبسه، بس إحنا الحرامية مالتنا يبوگون وإحنا أهل البلد حالنا حال الچلب حاير ما يدري الگملة وينها حتى يتخلص منها ويرتاح.
عيوني (چذب يا معود يا عيوني):
يا ما تتغيرون وتخلون نحس إن إحنا مو بوكت الازلام، يا إما تعلمونا البوگ حتى نستفاد مثلكم، ويا إما تبطلون البوگ وهذا أصعب الحلول وما نريد هذا الحل لا إلكم ولا إلنا، خلونا من نطلع للمراجيح ما نرجع للبيت بمصيبة....الولد يبچي ورجله مكسوره لو ظهره مكسور ، الأماية تبجي و تلطم مو عالحسين بس لأن البنطرون الجديد مال الطفل إنشگ، الطفلة الحليوة تبچي لأن بابا ما قبل هي تلعب بالزحليگة لأن تنورتها گصيرة والزحليگينة مليانة حدايد بس بابا يصير لوتي ويگول(عيب البنات يصعدن بالزحليگة)....وبعدهم متأثرين بزحليگة الفاتنة الكيويلية ملايين على بطل خل البدوي وعبالهم كل زحليگة مصيرها ملايين....يا ريــــــــــــــــــــــــــــــــــت !
هسة الشعب تعود وسلم امره، يأس ما ياس، الحياة مستمرة، بس نريد ما نحس بالملل، تطوروا أساليبكم، مثلاً جيبوا أشياش مال تكة أو مال الدرباشة وخلوها بنهاية كل زحليگة.حتى تصير الأذية موديل جديد..الأذية أكبر وحتى ما نگول دا تبوگون أفكار الأزلام...أو خلوا سبرينگات الترامبولين ما تتحمل غير ثلاث قفزات وبالرابعة لازم وگعة كافرة وشلل رباعي...إي هيچ نريد حياة دراماتيكية ما بيها مجال نگعد ونصفن وأم البيت تسال شتريدون الغدا اليوم؟ نريد ننشغل بكل يوم بأذية جديدة حتى نعترف ونگول ترى وكتنا غير وكت الأزلام.
بس إذا ما نتغير...ترى راح تصير بينا كآبة وملل...والملل يجيب خلل....خلل بالشعب وبالعملية السياسية.
وجيب ليل.....وماكو لا وطني ولا مولدة....بس الگلب مليان عتاب.
[ندعوك للتسجيل في المنتدى أو التعريف بنفسك لمعاينة هذا الرابط]


الرجوع الى أعلى الصفحة اذهب الى الأسفل
 
: حبيب العربنجي . مراجيح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: