البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

  تفليس فرصة :حبيب العربنجي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام



الدولة : العراق
الجنس : ذكر
عدد المساهمات : 37598
مزاجي : أحب المنتدى
تاريخ التسجيل : 21/09/2009
الابراج : الجوزاء
التوقيت :

مُساهمةموضوع: تفليس فرصة :حبيب العربنجي   الأربعاء 06 يوليو 2011, 5:28 pm


تفليس فرصة :حبيب العربنجي


05/07/2011




[ندعوك للتسجيل في المنتدى أو التعريف بنفسك لمعاينة هذه الصورة]يمعودين ترى إحنا صدگ غشمة...حياتنا مليانة فرص من كل نوع بس جيب إللي يفهم بالشيفرة الوراثية للكلاوات والخريطة الجينية للديمقراطية وطريقة إستخدام الإسبانة 13 لفك البراغي حتى الأمور تمشي براحتها بدون دهن ولا حتى دهن المشگ (راجع كتاب حياتنا الديمقراطية للإطلاع على أهمية دهن المشگ في تمشية الأمور المليوصة).شوفوا مثلاً...الزيارات المليونية...العاشورائية....الأربعينية....الشعبانية....والغديرية....هاي كلها مواسم للفرص الچبيرة إللي ما تجي بالعمر غير مرة وحدة للناس إللي ما يحترمون العمامة – أما في العراق المفدرل الديمقراطي المعمم فجيب چيس وعبي فرص وإذا ما عندك چيس جيب عمامة وأخذ قمامة....شبعنا فرص وهسة في مرحلة التريوعة من فوگ أو من جوا...أي السبيلين أقرب للتنفيس ولو هسة إحنا بالعراق الكل دا نعاني من الضراط إللي ما ينفه !وخلونا نصير واضحين ونحچي بلا غطا ولا ستر ولا شرشف، هاي الزيارات لو تصير مواسم رياضية دولية، وكل فريق بدال ما يشارك في خيمة لطمية خلي يشارك في فريق رياضي ويصير سباق ونشوف يا فريق يوصل بالأول لمكان التجمع بالكاظم او بكربلاء او النجف أو الخلاني أو حتى بگراج النهضة أو ساحة السباع إللي چان يسموها هيچ من كثر إللي چانوا يشربون حليب سباع بذيچ المنطقة !! ومثل ما صارت ركضة الماراثون رياضة عالمية وأولمبية لتخليد ذكرى نصر الأغريق على الفرس (المصدر: برنامج الرياضة في أسبوع لسنة 1983 )، إحنا نگدر نسوي ركضة الطويريج رياضة عالمية والجائزة طن جريش يكفي لصنع هريسة تغطي المواسم اللطمية في البحرين، أو بطولة الزيارة الشعبانية والجائزة جدر قيمة مع ضمان النوعية واللحم الحلال ! أو بطولة الشيخ حمدالله والجائزة حب رمان إيراني من قصر شيرين لطبخة الفسنجون !وبعدين هاي الزيارات دليل على تطور العراق، لأن تطور أي دولة ينحسب على أساس كمية الزبل إللي تنتجها أي دولة لأن أي عملية صناعية أو إنشائية لازم بيها زبل، يعني ما نحتاج غير نجيب القنوات الفضائية ونخليهم يصورون كميات الزبالة إللي تتجمع بالشوارع أثناء وبعد هاي الزيارات المليونية إللي عدها عداوة وي النظافة لأن النظافة من النواصب لعنهم الله والدستور.... بجولة وحدة بشوارع بغداد نگدر نتأكد أن العراق متطور بمليون طن زبالة على أقرب المنافسين إللي لو يعصرون نفسهم وشوارعهم ما يطلعون غير عشرين كيلو زبل مع الواسطة...وخلي إللي يگولون إحنا متخلفين يسكتون لو أجي وأترس عيونهم بالزبل حتى يتأكدون من تطورنا الزبلي وإحنا في المركز الأول على لائحة الدول الأكثر تطوراً في العالم بأستخدام مؤشر الزبالة للرفاهية Waste Index for Prosperity وهاي الزيارات فرصة جغرافية (لأن كل شي ما قبضنا من الفرص التأريخية) لقياس مستوى تطور البنية التحتية للبلد...مثلاً قابلية إستيعاب الشوارع للحشود المليونية (تختلف القابلية بحسب نوع الزيارة ولون العمامة)، وكيفية تصريف ملايين الگالونات من البول البشري ، فأذا حسبنا مشاركة خمس ملايين شخص في زيارة وحدة ، ونصهم إنحصروا بولة قبل الوصول إلى نقطة التجمع المباركة ، ولأن وجود تواليتات عامة بالعراق لا يخدم العملية السياسية بسبب إحتمالية تفخيخ البالوعة أو إستخدام السيفون في عملية إرهابية نوعية، إذن لازم يبولون بالشارع العام إللي تحول إلى شوارع خاصة للمسؤولين وولاد خالات الوزراء وأخوان زوجات بنات خوال زوجاتهم ، فنگدر نتأكد من أن شوارعنا دا تطبق الإستاندرات العالمية وإن البنية التحتية متقدمة بخمسة أهداف للاشيء للمنتخب السويدي مع تحيز واضح للحكم ضد العراق المفدرل المدمقرط بعد ما حسب إلنا گولين بداعي التسلل وما حسب ضربتين جزاء تحت الحزام وتجاوز نقطة نظام برلمانية.ومن خلال مشاهدة مئات الآلاف النايمين بالشوارع خلال الزيارات نگدر نستغل هاي الفرصة الجغرافية في قياس عدد الغرف الفندقية إللي عدنا ونتأكد إن محافظاتنا إللي تشتهر بالزيارات المليونية بيها فنادق ممتازة وتطبق أخر صيحات التصاميم العالمية...غرف بلا سقوف أو جدران وفنادق بلا خدمة مزعجة لتنظيف الغرف إللي يجون في أوقات إللي واحدنا يريد بيها تمشي أموره المليوصة !وبعدين هاي الزيارات والمواسم المليونية دليل على تطور النظام التعليمي في البلد إلى درجة أن تأخير الإمتحانات الثانوية لمدة شهر (أسبوعين بسبب الأربعينية في نصف السنة وأسبوعين بسبب الكاظم في بكالوريا) ما إلها أي نتيجة سلبية على نسبة النجاح حتى لو الطالب گعد في قاعة إمتحانية تنافس الفرن الحجري في الحرارة ...بس راح يگدر يجاوب لأن الدماغ البشري يشتغل زين في درجة حرارة الديمقراطية بحسب خبراء وعلماء علم الإجتماع السياسي.أيبااااااااااااااااااخ....الفرص من تجي.....تجي مليونية.....بس لازم واحد يگعد ويفلسها ...لهذا ننصحكم بالأنضمام إلى الدورات السنوية تفليس الباگلا إللي تقيمها التائبة العابدة الصابرة المحتسبة حمدية إلحـــَــسيني إستعداداً لإقتناص الفرص في مواسم الزيارات المليونية.ومثل ما تعرفون...كل يوم عاشوراء وكل يوم كربلاء، نگول إنا على العهد سائرون ولاطمون....فكل يوم زيارة لطمية...وكل أرض العراق مزبلة !


الرجوع الى أعلى الصفحة اذهب الى الأسفل
 
تفليس فرصة :حبيب العربنجي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: