البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

  حبيب العربنجي :بيلي...إدعيلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام



الدولة : العراق
الجنس : ذكر
عدد المساهمات : 37598
مزاجي : أحب المنتدى
تاريخ التسجيل : 21/09/2009
الابراج : الجوزاء
التوقيت :

مُساهمةموضوع: حبيب العربنجي :بيلي...إدعيلي   الخميس 11 أغسطس 2011, 12:13 am


حبيب العربنجي :بيلي...إدعيلي


09/08/2011




[ندعوك للتسجيل في المنتدى أو التعريف بنفسك لمعاينة هذه الصورة]بعد النجاح الكبير للعراق في إستخدام الحروف الأبجدية العربية والكردية في إصدار جوازات سفر كل من بكيفه...صار عند الدول التعبانة إللي دا تحسد العراق على أمنه وإستقراره ووزرائه خوف من العراق الجديد لأن راح يسحگ باقي
الدول بچروخ الديمقراطية المفدرلة، وخاصة أن الجواز العراقي ماكو مثله...لأن هو الجواز الوحيد بالعالم إللي يُستخدم في تعليم القراءة للصف الأول الإبتدائي بدال القراءة الخلدونية في تعليم قراءة الحروف الأولية للغات العاملة في العراق (لاحظ عزيزي القاري الغشيم اللغات العاملة وليست الرسمية إلى ذلك نسترعي إنتباه دالغاتكم).
وصارت دول مجموعة الثمانية التعبانة، ودول الكومنولث، ودول مجموعة العشرين، ودول حلف الناتو، وقبائل الباشتون في أفغانستان، كلها تسوي إجتماعات بلكن يطلعون بنتيجة أو خطة حتى يعطلون الإندفاع العراقي نحو الحضارة المدنية بعد سنوات من حكم الحقارة العسكرية....بس خاب ظن الذين كفروا بالديمقراطية العراقية أو بمبادرة لبن أربيل إللي تحمضت بسبب الصيف اللاهب، وخاصة بعد أن طار أحدهم مع عقد الكهرباء مثل ما طار جاك نيكلسون فوق عش الواق الواق...المهم إن العراق گعد عالسچة...وين يروح مو مهم...حتى لو إلى وادي الموت أو حافات المياه أو درب الزلگ.
وحتى لا يسبق العراق باقي الدول في إصدار جوازات سفر دبلوماسية للقرود (علما أن العراق نجح في ذلك مختبرياً ولكن لم يعلن عن هذا النجاح لدواعي إنسانية)، إستنفرت بريطانيا العظمى كل عظمتها وعلماء الإجتماع عدها وخبراء السفر وشركات الطيران لوضع إستراتيجية لإحباط المحاولة العراقية في جعل القرود مسافرين من الدرجة الاولى ومن النوع الدبلوماسي خاصة أن العراق قد وضع في الخطة الخمسية القادمة إصدار جوازات سفر حتى للحمير تكريما لـ (أبو صابر – ما عنده گرابة وي صابر العيساوي) لأن كل العراقيين صايرين من فصيلة أبو صابر....صبراً وتصرفاً وتحملاً وعدم مبالاة والكراب العنتري....والإستحمار السياسي. وبالنتيجة توصلت بريطانيا العظمى إلى إعطاء جواز سفر درجة أولى للقردة (بيلي) اللي ظهرت في مؤتمر صحفي وهي تبتسم إبتسامة الرضا والنصر العظيم ...وبيني وبينكم إبتسامة هاي القردة شفتها مو غريبة لأن شايفها هواية....وبعدين تذكرت أن شايف مثلها من يطلعن النائمات مال مجلس النوام ويردحن على الفضائيات....وأجلبنه....وهجع وهجع....مو جلبتوا الوطن على البطانة ....يا فرقة الكيويلية السياسية.
المهم...القردة بيلي هسة صارت مبرطنة (بريطانية) ولو چانت بالعراق چانت هسة (مسرطنة) بسبب تعاقد وزارة النفط العراقية بعقود البنزين المسرطن إللي يحتوي على مادة الرصاص إللي تحسن رقم أوكتان البنزين لتقليل الفرقعة في المحرك...الناس وين وصلوا وإحنا بعدنا دا نتعامل وي الرصاص...تعاملنا وي الناس بالرصاص إللي يطلع من الكاتم، وتعاملنا وي السيارات بالرصاص إللي يطلع من العادم...والنتيجة إعدام العراقي بالشارع العام..مع سبق الأضرار والتربح !
بس ما أعرف (بيلي) تعرف تقرا حروف لو لا...لأن خطية شلون راح تدبرها لو طلعت بريطانيا جواز سفر S إس لو Y...لو Z....خطية شلون راح تدبرها...وهذه هي نقطة الجدل الرئيسة بين السياسة العراقية والسياسة البريطانية بخصوص الحيوانات...إحنا بالعراق نحول البشر إلى حيوانات...فتطلع النتيجة حيوان يحمل المهارات البشرية ..ويعرف الفرق بين الجوازA والجواز Z، بس ببريطانيا الشغلة بالعكس...يريدون يحولون الحيوان إلى بشر مع الإحتفاظ بكافة حقوق الحيوان والتمتع بإمتيازات المواطن البريطاني، فتطلع النتيجة حيوان مبرطن (بريطاني) أثول ما يعرف الفرق بين الجواز ودفتر الإنشاء للصف الثاني متوسط...شعبة دال في ثانوية شهيد المزراب.
يمعودة (بيلي) دخيلج...هسة الدنيا رمضان ومن حلگج لباب السما...وما شاء الله عليج شلون حلگ...يطلع الدعاء منه صلي ويتجاوز السماوات...بيلي دخيلچ إدعيلي أصير مبرطن مثلج وأتمتع بكافة حقوق الحيوان لأن هسة اني صاير حيوان ومضيع حقوق الإنسان ومدا أتمتع بحقوق الحيوان في بلد ما عدنا فيه حقوق إلا للأكراد ولأحمدي نجاد
....بيــــــــــــــــــلي....إدعيــــــــلي...يوم إلإلي...وأذبح طلي.....
[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
 
حبيب العربنجي :بيلي...إدعيلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: