البيت الآرامي العراقي

حجي ... وعمري : حبيب العربنجي Welcome2
حجي ... وعمري : حبيب العربنجي 619888zqg202ssdr
البيت الآرامي العراقي

حجي ... وعمري : حبيب العربنجي Welcome2
حجي ... وعمري : حبيب العربنجي 619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

 حجي ... وعمري : حبيب العربنجي

اذهب الى الأسفل 
كاتب الموضوعرسالة
البيت الارامي العراقي
الادارة
الادارة
البيت الارامي العراقي


حجي ... وعمري : حبيب العربنجي Usuuus10
حجي ... وعمري : حبيب العربنجي 8-steps1a
الدولة : المانيا
الجنس : ذكر
عدد المساهمات : 10368
تاريخ التسجيل : 07/10/2009

حجي ... وعمري : حبيب العربنجي Empty
مُساهمةموضوع: حجي ... وعمري : حبيب العربنجي   حجي ... وعمري : حبيب العربنجي Icon_minitime1الأربعاء 7 سبتمبر 2011 - 1:20


حجي...وعمري :حبيب العربنجي


05/09/2011




حجي ... وعمري : حبيب العربنجي Datei_1223025696خلونا اليوم نبدي بنكتة لأن الحالة صايرة كوميديا أسخف من كوميديا هاني رمزي، أو الحالة صايرة جايفة إلى درجة أن البرلمان دا يناقش تشريع قانون لكل عراقي ضــــ(ر)طة وحدة باليوم فقط لأن الحالة الجايفة ما تتحمل أكثر من وحدة باليوم بريحتها وصوتها تحت كل الظروف دون إستثناء حتى لو واحد ضارب يابسة وتمن مع راسين بصل حار.والنكتة هي:أكو واحد رجال چبير بالعمر بس كلش يحب يصادق بنات إلى درجة دا يسبب إحراج لولده الكبار. فرد يوم أتفقوا الولد يحچون وي أبوهم بلكن يتعدل، إجوا وگالوله:بابا كافي عاد ترى إنت كبرت وإحنا كبرنا...كافي الله يخليك...هاي لمينالك چم فلس روح للعمرة وراح ترجع شبعان روحانيات ..إنت ترتاح من شلعان الگلب ورا البنات وإحنا نرتاح.أخذ الأب الفلوس وراح للعمرة ورجع غير واحد..بعد أسبوع راح للبنك عنده معاملة...سألته موظفة البنك عن أسمه وگالت:حجي...شنو إسمك بلا زحمة (طبعا ماكو موظفة عراقية تگول بلا زحمة بس هاي للضرورة الدرامية).إهنا حجينا صار وجهه أحمر وزعل وتقرب من الموظفة إلى درجة الهمس الحنين وگال:عيوني آني بس رايح للعمرة... آني عمري مو حجي ...صيحيني عمري.........إنتهت النكتة إللي هي أساس سالفتنا اليوم..والموضوع هو مصيبة العمرة إللي دا تجتاح كل محافظات العراق...الشيعية والسنية ..الوهابية والإمامية...الذين يؤمنون بالديمقراطية الاميركية ونبيها بوش أو الذين يؤمنون بدين أحمدي نجاد وآغا الوحي الفارسي إللي ينزل كل ليلة خميس على قبر الخميني...الكل صايرة بيهم سولة أسمها العمرة...يجوز الكل يريدون يصيرون (عمري) او (عمرية)...أشو ياهو أخابر عليه يطلع رايح للعمرة ...والنوب العنصر النسوي كل وحدة مسوية چيس حب شمسي قمر وتسال عن ترددات روتانا مسلسلات حتى لا تفوت عليها ولا حلقة وهي بالعمرة وتكرز حب شمسي قمر وي صديقاته وكل وحدة تدز بلوتوث لصديقتها أغنية (گلب گلب وين وين) لو تستلم أغنية ( سبع بوسات)..ويرجعن يبچن بوجه الله وعباده ماكو كهرباء والأمور تعبانة...ولو كل مائة معتمر أو معتمرة عراقية جمعوا الفلوس وحسوا بإنتمائهم لمحافظتهم أو شارعهم يگدرون يشترون مولدة ويخلصون نفسهم من أبو المولدة..لو يبلطون الشارع ويتخلصون من الطسات إللي من يوم إعلان يانصيب الرافدين وهن موجودات في الوجدان العراقي وأكو مداولات يدخلون الطسة في الدستور العراقي تحت فقرة ...متفرقات ضرورية. أو يبنون مدرسة بكافة مستلزماتها مو مثل هسة مدرسة وبكل صف خمسين طالب والمدرسين والمدرسات والطلاب والطالبات يتشاركون بحمام واحد ما بيه لا بريج ولا سيفون.بالعافية على العراقيين الغشمة وخلي السعودية تاخذ فلوسكم الحلوة وتحولها إلى إرهابيين من آل قحطان وآل غامد وآل حاقد ويدزونهم يذبحون بيكم...لا تگولوا شرع الله وبيت الله...والله الرب الجليل ما گال هيچ...هسة الحج وگلتوا فريضة مشيناها...بس تجون وتسوون العمرة واجب وطني دستوري وكشخة وفخفخة ترى ما نقبلها ولا يقبلها رب محمد ورب علي ورب الحسين ورب أحمدي نجاد إذا عنده رب.الحج سقطت الفريضة منه في قوله (من أستطاع) دون أن يحدد الوحي أو الله كيف يحسب الواحد منا يستطيع لو لا لو منو عنده حق حتى يقرر هذا عنده (مستطاع) لو ما عنده...ولو الحج فريضة چانت الآية تكون (ولله على الناس جميعا الحج)...وبعدين لو هي فريضة چانت تسقط بوفاة الإنسان مو إجوا أهل العمايم وقشمروا الناس وگالوا يصير حج بدل والعمرة البديلة ...طبعا لان بيها فلوس بجيب أهل العمايم والطرابيش وآل سعود اللئام. إذا الحج والعمرة حالة روحانية مثل ما يروجون أهل الدجل...لعد هاي الحالة تسقط بوفاة الشخص وخروج روحه...فكيف بالحج البديل يا أيها الغشمة لعلكم تبصرون أو تصفنون على كلامي فترجعون إلى عقولكم.والنوب العمرة....وأحيي القارىء إللي راح للعمرة عشر مرات رغم إن غير مؤمن بالموضوع أساساً.. ومن سالته شنو الموضوع...گال بس اسمع يگولون أكو روحانيات وكل مرة أروح ولا ألگي هاي الروحانيات...وأگول بلكن بالمرة الجاية وصارن عشر مرات وبعدني دا أدور وما لگيت غير مجدية من الهند وبنغلاديش وباكستان...وقريبا الدخول الناجح للمجدية العراقيين والحمد لأميركا.حيل بالعراقيين الغشمة إللي بدال ما يعمرون بلدهم بفلوسهم وما ينتظرون منية الحكومة ولا تخصيصات البرلمان...يروحون ويخلون هاي الفلوس الحلوة بجيوب آل سعود المزروفة إللي ما تنترس من الجشع والطمع والدجل. وخلي عراقي يطلع ويشتكي من ضيق الحال لو الشوارع ما بيها أضوية أو مليانة طسات أو مدارس تعبانة ويطلع هو حجي أو معتمر...إلا وأخلي لعنة أمة الثقلين الإنس والجن تنزل عليه وعلى نفاقه ودجلة وجهله. وصدگوني لو نفتهم (من رخصتك رفيق دبش)...وخلي سنة ولا عراقي يروح لا للحج ولا للعمرة...شوفوا إشگد نگدر نبني مدارس وحدائق ...خلي نص المبالغ مال الحج والعمرة يخصص للبحوث العلمية وشوفوا شلون راح تتطور الجامعات والشهادات العلمية...أكيد هسة هواية يكفروني ويتهموني بالكفر ...المشكلة إيماني أصدق من إيمانكم بس الفرق آني صادق وصوتي أعلى من الهمس.والحكومة لو هي حريصة على الإقتصاد العراقي تمنع الحج والعمرة...هي اللعنة مال الشعب نازلة نازلة براس الحكومة يعني ما ظالة على هاي...وصدگوني إحنا العراقيين الغشمة لو النبي إبراهيم ما هاجر وصارت الكعبة بالناصرية چان الحج لا فريضة والعمرة چانت تصير من مبطلات الإيمان مثل ما مسح ماي الوضوء بالخاولي يبطل الوضوء بحسب الإمام الستياني دون أن يحدد نوعية الخاولي ولا لونه ولا الزخرفة فيه...رغم الخلاف على أن الخاولي الصيني نجس بإتفاق الأئمة والخاولي الإسباني قذر بإتفاق مبادرة البارزاني.أدري دوختكم بس يكفي هذا الضحك عالناس وتبذير الفلوس والضرر بالإقتصاد العراقي تحت تسميات الدين والشرع...والدين أساسه عدم الضرر في كل الديانات السماوية والوضعية...وروحوا أقروا بوذا...أقروا بوبول- فوا الكتاب المقدس لمايا...أقروا التوراة والانجيل والقرآن...أقروا الدستور الفرنسي...أقروا الدستور الامريكي لو السويدي...كلها مبنية على عدم الضرر هذا إذا فهمنا كل حرف ومعناه دون الدخول في تفاسير أهل العمايم..فالله الذي نزل الكتاب اجل وأرحم على عباده من أن ينزل كتاب لو آية تحتاج إلى تفسير.ما عندي أكثر من هذا الكلام بهالموضوع... يمعودين إللي عقله براسه يعرف وين يصرف فلوسه......مو بجيب آل سعود......
الرجوع الى أعلى الصفحة اذهب الى الأسفل
 
حجي ... وعمري : حبيب العربنجي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: