البيت الآرامي العراقي

 أبراج الحظ بالمصلاوي Welcome2
 أبراج الحظ بالمصلاوي 619888zqg202ssdr
البيت الآرامي العراقي

 أبراج الحظ بالمصلاوي Welcome2
 أبراج الحظ بالمصلاوي 619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

  أبراج الحظ بالمصلاوي

اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام
Dr.Hannani Maya


 أبراج الحظ بالمصلاوي Usuuus10
 أبراج الحظ بالمصلاوي 8-steps1a
الدولة : العراق
الجنس : ذكر
عدد المساهمات : 60486
مزاجي : أحب المنتدى
تاريخ التسجيل : 21/09/2009
الابراج : الجوزاء
العمل/الترفيه العمل/الترفيه : الأنترنيت والرياضة والكتابة والمطالعة

 أبراج الحظ بالمصلاوي Empty
مُساهمةموضوع: رد: أبراج الحظ بالمصلاوي    أبراج الحظ بالمصلاوي Icon_minitime1الجمعة 23 ديسمبر 2011 - 10:32

أبــراج الحـــظ بالمصــــلاوي ...


ابراج البخت


برج الخغوف (الحمل)
دحق عيني كوي شغلايتك هالاسبوع شوي زحمي , كوي كن زاد عدد فتحك لباب الثلاجي وقتاكل تقريباً ثاثي وثيثين وجبة باليوم
اذا بقيت هالاسبوع على هاي الحالة غاح تشارك بالرابح الاكبغ ,
عاطفياً ...مليح حظك قيعد
دراسياً... قلل من اكل الحب شمس كوي يثخن الدماغ

برج وحدي ملزوقة باللخ (الجوزاء)
هالاسبوع شغل ماكو يعني غاح تقعد تقصع قمل ودق صفنات
حاول انو ما تغوح ع السرجخانة لأن اكو مجنوني كن طقو فيوزاتا وما من حظك اذا تغشعك
عاطفياً.. العلاقات بيغدي هالاسبوع
دراسياً... غاح تمتحن امتحان وتنسى تكتب اسمك ع الورقة

برج الحنفيش (الثوغ)
لا تعطي سرك لأحد لأن غاح يطلع وتصيغ فضيحتك بجنيجل واكو من يدق ويرقص من يصيغ بيك هكذ شي
عاطفياً... غاح تلقي نصك اللاخ بس دوغ مليح
دراسياً...غاح تترزل رزالي اخت الكذب والمتوقع يوم الاربعاء اذا تطيق لا تداوم

برج اليقغص (السرطان)
صحتك ما هلقد غاح تصيغ اذا تطيق كل كغافس وكشكا لأن تقوي البصغ ولا تاكل قرنابيط لأن يعمل تمزق بالجوغبي
عاطفياً...غاح تنضغب بوري من هذا اليسوى ويستيهل
دراسيا... غاح تاخذ ثاثي وثيثين من اربعين بوحدي من الامتحانات وابوك غاح يشتغيلك بايسكل

برج طاسي مال بيغ (الدلو)
عوف الكذب شويا هالاسبوع كوي طوخته قيعد وتثغم بصل بغاس العالم انا وانا ...خشمك غاح يصل المدرسي قبلك
عاطفيا... غاح يغشعك شريك حياتك بس انت ما غاح تغشعو من خلف خشمك
دراسيا... شغلايتك توووووب كلتا درجات كاملي لأن الدراسة كذب بكذب

برج الماعدنا منو بالغابات (الاسد)
غاح تتقاتل مع ابو المولدة هالاسبوع وغاح تاكل قتلي غسل ولبس حاول ان تدفع الاشتراك قبل خمسي بالشهغ حتى تخلص من هاي القتلي
عاطفياً... غاح يصيغ زعل بيناتكم وحجيجان (يعني ويحد يتحجج ع اللاخ)
دراسياً... غاح تمتحن امتحان ما تعغف بينو بس غاح تغش وتنجح

برج التيس (الجدي)
مزاجك طابوقي هالاسبوع وما تطيق تتحمل كلمي ايمهو اليحكي معاك تطق بوجو مثل البمبلي
عاطفياً... غاح تحب شخص يحب شخص يحبك أشون معغف
دراسياً... تدرس كثيغ بس كشي ما تفتهم عقلك مطيغ

برج الطاستين وحدي تطلع واللخ تنزل (الميزان)
غاح تسمع خبر يضغبلك فيوزين بدماغك وتقوم تقرا الديك والحمار بس هذا الخبر غاح يطلع كذب ويرجع دماغك يشتغل بكل فيوزاتو
عاطفياً... مليح بس حاول انو تهتم بنصك اللاخ اكثغ مثلا تغير العزومي مال دائما فلافل دعزمو على هبركر شي شياتين
دراسياً... تمشي حال صح كل درجاتك دراهم بس المهم تنجح

برج خشبي مطعوجي وبيها عودي (القوس)
لا تاخذ الامور كلتا جديات وعيشتك معبس بوج العالم اضحك لخاطغ الله حتى ما خليتلي واهس اكتب على برجك
عاطفياً... نصك اللاخ طقت غوحو منك امنية حياتو يغشع سنونك
دراسياً... بس بهاي كن فلحت خوش درجات غاح تاخذ

برج المامتزوجي (العذراء)
هالاسبوع قيعد حظك انت وقتمشي غاح تلقي بالشارع ورقة (مية دولار) ترجع عالبيت فغحان بيها تفحصه تطلع مزورة ما قتولك قيعد حظك
عاطفيا... غاح تقول لنصفك اللاخ أحبك وغاح يقلك: ما تطيغ احسن
دراسياً... غاح تنطرد اشقد ما تندلع بالشعبة

برج العقغبي (العقرب)
انت وقتمشي ع الرصيف غاح يجي ابن حلال سريع بسياغتو ويطفغ عليك يسبحك بالسيان من فوق لي جوا حتى لا تضل تتفستق
ابتعد عن كثغة الجل كوي يوقع الشعغ
ما ضل شي وتصيغ أقع
عاطفياً... امورك عدلي غاح تجيك هدية من نصك اللاخ كارت ابو الخمسي
دراسياً... فشل في فشل نصيحة تبطل وتشتغل حلاق أحسن

برج السمكي الكبيغة (الحوت)
غاح تجيك خوش فلوس وتطق بيدك ما اشون من كان حاول انو ما تصغفه ع المصاصات والعلوكي كالعادة عيب انت كبغت
بس اذا تصغفه على جبس بوشار اثنين بربع ماينشد
عاطفياً...غاح تمر بأزمة اقوى من ازمة الكاز ع الشتي
دراسياً... غاح تنمسك غش بويحد من الامتحانات لأن كن خبيت البراشيم بالجويغب


الرجوع الى أعلى الصفحة اذهب الى الأسفل
 
أبراج الحظ بالمصلاوي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: منتديات عامة متنوعة Miscellaneous General forums :: منتدى الابراج والحظ وتفسير الأحلام والفلك Horoscopes & Fortune Forum-
انتقل الى: