البيت الآرامي العراقي

نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي Welcome2
نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي 619888zqg202ssdr
البيت الآرامي العراقي

نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي Welcome2
نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي 619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

 نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي

اذهب الى الأسفل 
كاتب الموضوعرسالة
البيت الارامي العراقي
الادارة
الادارة
البيت الارامي العراقي


نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي Usuuus10
نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي 8-steps1a
الدولة : المانيا
الجنس : ذكر
عدد المساهمات : 10368
تاريخ التسجيل : 07/10/2009

نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي Empty
مُساهمةموضوع: نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي   نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي Icon_minitime1الأربعاء 8 فبراير 2012 - 14:05

نمونة..؟ قحط..؟ مشايفين..؟




هي بس 40 مليار دولار ليش تضخمون الامور؟





خلي تولي وصخ دنيا




كتابات - شلش العراقي









الصورة. انقر هنا لمعاينتها بأبعادها الأصلية.
نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي 9494







اخوان عندي طلب بسيط واعرف متقصرون، باجر ورا المظاهرات محتاج كم واحد منكم يجون وياي للمنطقة الخضراء، خطية الحكومة مضيعين اربعين مليار دولار..







اي والله البارحة أكيد سمعتوا أسامة النجيفي يكول عدنا اربعين مليار دولار امريكي مصيرها مجهول وكاعد اندور عليها، فتعالوا وياي نساعد الحكومة، وبلكي نلكاها، حرام ترى هاي فلوس مال أيتام، أي والله مال ايتام وارامل ومساكين ومهجرين ومهاجرين، بس الحكومة ضيعتها، حكومة ثولة، كل ما نحط ابيدهم شي يضيعوا، اطيناهم اصواتنا ضيعوها، اطيناهم ثقتنا ضيعوها، اطيناهم العراق ضيعوا، متكلي بعد شنطيهم، شبيكم ثولان خو مو ثولان، اكو واحد يضيع اربعين مليار دولار، صح هو مبلغ بسيط و تافه ولا يساوي غير ميزانية اربع دول مجتمعة هي سوريا والاردن واليمن والبحرين



نمونة..؟ قحط..؟ مشايفين..؟ هي اربعين مليار شلش ليش تضخم الامور.. انت ليش تسوي الحبة قبة، اربعين مليار فدوة لقندرة حسن السنيد، الفلوس وسخ دنيا، مو هيج دكتور صالح المطلك، والله شعرة بلحية خالد العطية تسوى عندي ميتيتن مليار دولار، بس مع ذلك خل ندورها، حرام اموال يتامى وارامل، اموال شعب مسكين بناته وابنائه صاروا ملطشة بدول الجوار







تعالوا نفتش عليها يمكن حطيتوها بمكان ونسيتوا، دوروا جيوبكم زين، اتذكروا خاف دفنتوها بحديقة القصر، يمكن بمطبخ المالكي، يمكن فوك الكنتور، جوا القنفة، يمكن بالحمام او فوك السطح او ورا الباب، دوروها متروح.







مال حلال، واذا مالكيتوها فدوة الكم، بس مرة ثانية انتبهوا، الله وصى بالامانة، وانتوا الحمد لله كلكم تخافون الله، كلكم تخافون الله، وكل يوم ابراهيم الجعفري بالبرلمان يفسرلكم معاني الايات البينات من محكم الاي الكريم، هو يفسر وصفية السهيل تحجي بالتلفون.. هو يفسر واكو واحد كردي ما اعرف اسمه ميت من الضحك، اي والله اني شفتهم بعيني، حتى جانوا يناقشون الميزانية، وبعدين لمن حسبوا الدخل، طلعت اربعين مليار دولار ماكو، وين صارت ؟ محد يدري كلها سكته، بس هم زين راح يشكلون لجنة تحقيقية.

اعلى برج بالعالم كما تقول قناة العربية هو برج دبي، بلغت تكلفته مليار دولار، وكما تقول القناة ان البرج الاعلى والافخم في العالم والمزود بكافة وسائل الراحة والاستجمام والخدمات ويشكل مدينة متكاملة يسكنه 100 الف شخص، ينعمون بآخر ماتوصلت اليه البشرية من وسائل راحة، واذا حكومتنا كانت شوية شريفة وبنت بهذا المبلغ المفقود أربعين برج مثل برج دبي، كان صار عدنا اربعين مدينة متطوره يسكنها اربعة ملايين عراقي، جان اهل الثورة والشعلة والمحمودية وابو غريب والفضل والعبيدي والحسينية والكمالية وسبع قصور وحي اور وابو غريب وحي الجهاد والمتجاوزين والحواسم والمشردين والمهجرين، جان كلهم ساكنين بهاي الابراج، وجان واحدهم هسة نافخ ريشه وميعترف بالمحافظ، هم زين الحكومة ضيعت المبلغ، والله الحكومة تفتهم ضيعت المبلغ، جان صرنا علي بابا والاربعين برج.. جان شخلصنا اذا اهل الشعلة كاعدين بالطابق الستين ويشوفونا من فوك ويضحكون علينا..

جبار اللباخ من فوك البرج يصيح على مرته : تعالي سعيدة تعالي هنا، باوعي على الشارع دتشوفين ذاك الولد اليمشي وايده بجيبه ؟؟ وينه وينه ما اشوفه، شبيج عمية، ذاك اليمشي يم الشجرة، اي اي شفته شبي خطية، لج هذا شلش العراقي عرفته من قميصه ومشيته، تضحك سعيدة من كل كلبها وتكول : شلش ابو الكلك، لو يموت ميصير براسه خير، شجابه هنا شيسوي يم برجنا، شوف الناس وين وصلت وهو بعده ماخذ الشوارع رايح جاي، نشالله اتطك عليه عبوة ونخلص من هاي الشوكلات المزعجة، اسعيدة ورجلها بعد ما شبعوا ضحك نزلوا للمسبح شوية يرتاحون، اليوم الشمس حلوة وسعيدة محتاجة تسوي برونزاج، اي والله تسوي برونزاج، اني شفتها وحتى صورتها بالتليفون، والله هاي مو احلام شبيكم، اطوني اربعين مليار واذا بعد شفتوا وجهي اني مو شلش..!

والله سعيدة وبدرية وصبيحة واسراء وخدوجة حبيبة روحي كلهن يستاهلن حياة افضل من برج دبي وافضل من كل ابراج الدنيا، لو بس شوية الحكومة متضيع فلوسنا، لو بس شوية الحكومة تكول عيب ظلمناهم بما يكفي، لو بس الحكومة تصير حكومة، بس للا سف هو حظنا ويامن كعد، والله ماعدنا حظ، قبل صرفنا فلوسنا على الاسلحة والحروب والقصور الرئاسية، واجوا ذولة، مهروش وطاح بكروش، ما صدكوا شافوا دولارات، صدك حيتان، مثل ما كال الكربلائي، باكو الاكو والماكو، حتى الحصة باكوها .

المهم اخواتي العراقيات اخواني العراقيين، فلوسكم راحت، ومستقبل اولادكم راح، وبلدكم على وشك ان يصير شيء من الماضي، هاي الحكومة مو حكومة، هاي زبالة حشاكم، اكو حكومة بالعالم تضيع اربعين مليار دولار وتكول لشعبها اصبروا سنة واني اجيبلكم الكهرباء، واذا متصبرون انتوا بعثيين ومأجورين وعملاء ومدسوسين ومرتبطين باجندة خارجية، روحوا بعد خمسين سنة متشوفون شي كما يقول خضير الخزاعي، اني شخصيا اصبر اذا كلولي وين الاربعين مليار، وباجر رايح للمظاهرات اطالب بحصتي من الاربعين مليار، ولو اني ما شفت شي من الـ 300 مليار السابقة بس ميخالف، الفات مات.

راح اتظاهر باجر وابقى اتظاهر حتى اقالة الفاسدين أولهم ثلاثي بغداد المرح الزيدي وعبد الرزاق والعيساوي، راح ابقى اتظاهر حتى الحكومة تقدم استقالتها للبرلمان ورغم عدم احترامي للبرلمان بس لازم اكو خطوات شرعية نحترمها حتى لنروح للفوضى، كلشي ولا الفوضى.








تستقيل احكومة وتتشكل حكومة من جديد بعدد معقول، وباسماء من المختصين والخبراء حصرا، رايح اطالب بحقي وما اسمح لاي شخص يتحدث باسمي ولا اخلي واحد يسرق صوتي، ترى اكو لصوص يريدون يضحكون علينا مرة ثانية, لا عيني لا، لا لا كلاب الزمن الاسود ولا اصحاب الثارات الشخصية عدهم حق يختطفون صوتي.. هاي مظاهرة، وكل واحد يعبر عن رأيه، ما أكو احد مسؤول عن احد وماكو واحد يتحدث باسم احد.. افتهمتوا .. اشوفكم باجر
الرجوع الى أعلى الصفحة اذهب الى الأسفل
 
نمونة..؟ قحط..؟ مشايفين..؟ هي بس 40 دولار ليش تضخمون الأمور ؟ خلي تولي وصخ دنيا - كتالات - شلش العراقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الاخبار العامة والسياسية General and political news :: منتدى المنبر السياسي والحوار الهادئ والنقاش الجاد الحر Political platform & forum for dialogue & discussion-
انتقل الى: