سلامة مرارتك سلامة المرارة يا واقع علينا بسعر الخسارة فلا فيه صناعة ولا فيه تجارة ولا فيه مدير ولا فيه إدارة ولا فيه وزارة تسيب الوزير
سلامة مرارتك
سلامة مرارتك فداها المواطن أبو قلب راطن كلام الهموم فلا نفس راضية ولا جتة فاضية بلاوي وسموم ولا علاج مداوي مفيش غير حكاوي بتاخد بإيدنا لآخر المصير
سلامة مرارتك سلامة مرارتك وألفين سلامة يا سايب في كل المنازل علامة مجاعة ... أنين ... كآبة ... ندامة جهل وبطالة وعوالة وعيا وفنون رخيصة وقِلِّة حيا وهموم بتكتر ... وهموم تزيد إنت في زيادة همومنا خبير
سلامة مرارتك
سلامة مرارتك يا ابو القد فارع يا مالي عنينا بزبالة الشوارع أمال بندفع ضرايب لمين شمالك بتاخد ... وواخدة اليمين شكلك بتحلف علينا اليمين ما تجعل في جيبنا قليل أو كتير
سلامة مرارتك
سلامة مرارتك دي واخدة الحصانة بنشقى وتاكل علينا شقانا لا خلِّيت أمامنا ولا فيه ورانا ضرايب ... عوايد ... فاتورة ... رسوم ننام بالفاتورة وبيها نقوم على البصَّة ندفع فاتورة لعِنينا ولو نعمى ندفع فاتورة ضرير
سلامة مرارتك
سلامة مرارتك يا صاحب الهمم بخطبة بنطلع لأعلى قمم وننزل على جدورنا بين الرمم على الوهم ياما وياما بنينا أوامر تجيبنا أوامر تجينا على خطوة واحدة في محلك نسير
سلامة مرارتك
سلامة مرارتك إحنا فداها تفرقع مرارتك نفرقع وراها حالنا بدونك عمره ما ماشي إحنا بدونك شوية مواشي من غير راعيها ... ومن غير كبير سلامة مرارتك
حبيب حنا حبيب عضو فعال جداً
الدولة : الجنس : عدد المساهمات : 21916مزاجي : تاريخ التسجيل : 25/01/2010الابراج :
تسلم الأيادي أخونا العزيز * أبو نشوان * لنقلك لنا قصيدة للشاعر <> أحمد فؤاد نجم <> لقد صرف الريس حسونتي ـ معلم مصر الأول ـ ملايين الجنيهات ! لامن حسابه الخاص بل من خزينة الشعب المصري !!! كلهم حراميـــــة ! والحرامية اللي بوطننــــا العراق المجروح بحراب الإحتلال الأنكلو أمريكي , قـد فاقوهم في اللصــــوصية !!! تحياتنــــــا ...