الى كل محبي البيتنجان (وانا منهم) وخاصة التبسي أهدي ...

الى كل محبي البيتنجان (وانا منهم) وخاصة التبسي أهدي ...

المعلّقة البيتنجانية

أسود سواد الليل والزلف أخضر
واللمعة جن روغان والريحة عنبر

غلطان إذا ظنيت بالشتا ننساك
رسمك ثبت بالعين والطاوة وياك

بالحمس بالتركيب بالمركة شفناك
موتت كل الناس من بعد فركاك

كذاب كلمن كال متفيد ؛مغثوث
يامنشط المصران يامصبغ التووث

بالدهن من غطيت نشفته كله
سعر الدهن يا ناس سوالي عله

يروح السمج والبيض واللحم فدوة
لعيون بيتنجان بس هو يسوه

أسود بعيون الناس بعيوني تبني
واحد من ولد البيت حسبتك إبني

هم طرشي هم تكلاه هم شيخ محشي
مثل الذهب يا ناس بالسوك يمشي

يالتحجي عالروغان تستاهل إعدام
لو فاركته العين ما تكدر تنام

أسود سواد الليل بس كلبه أبيض
أدري الطماطة تفيد بس إنت أفرض

لو وجبة ما ألكاك صدكني أمرض
من كثر اللي بيك سويته معرض

زاير بيوت الناس والبيت بيته
لو بيدي يا هالناس ما كشريته

لو تحجي يا هالناس هالمعدة كالت
جيبولي بيتنجان الفركة طالت

كطعت ورد البيت وزرعتك إنت
حيرني لغز البيك وما فهمته

دار الزمان ودار وبقيت إنته
والباقي يا هالناس خلوها سكته

كلبك صخر جلمود يالكشريته
مو جنت تبجي دموع من فاركيته

لو يصعد الدولار هم هذا أزود
حسبالك الدولار النفط الأسود

شكد حاول العدوان يفرض حصاره
ما يدري وحش الليل سواله جارة

يالدزك الرحمن للناس رحمة
أتخيلك باليل بالطاوة لحمة

بكد ما بليت الناس من الله يبلاك
إبتعد عني روح أرجوك يا(بلاك)

ما أظن انا بيوم أكدر أعوفك
لوما كتلني الجوع ما جنت أشوفك

العظم أسود صار وحتى الخلية
من سمع البيتنجان بالصيدلية

يومية ناخذ (دوز) شو صار إدمان
إتعودت عليه وهسه اني ندمان

القرحة بالأمعاء والمعدة (ألسر)
ماي العمى للعين وللكلب(كانسر)

وكافي بعد ياناس ما أكدر أحجي
لو شفت بيتنجان هاليوم أبجي

خوش هديّــــــة بمناسبة قدوم عيـد القيامـة المجيـد !

تسلمي النا خاثـن جيهان الجزراوي !

آلاهـا ناطيـروخون طالــــــــــن .

الف تحية وتقدير اختنا الغالية ( jihan aljazrawi ) على هذه الوصف وهذه القصيدة الرائعة في وصف الباذنجان وبوركت الجهود المخلصة في تقديم مواضيع
شيقة وفي جميع المجالات .الرب يسوع يكون في حمايتكم جميعا .

بالاضافة الى القصيدة اقدم للكم الفوائد الكثيرة لباذنجان .

الى كل محبي البيتنجان (وانا منهم) وخاصة التبسي أهدي ... 972a7410

أكدت الأبحاث الطبية أن الباذنجان مفيد للصحة وخصوصاً في علاج تصلب الشرايين والوقاية منه، ويمكن تناوله مطبوخاً مع الطعام أو على شكل مخللات أو مقبلات. ويساهم الباذنجان في الوقاية من السمنة أو إزالة السمنة ، لأنه منخفض السعرات الحرارية، فكل المائة جرام منه تحتوي على 29 سعرة حرارية. كما يعيق الباذنجان انتقال الكوليسترول من المعدة إلى الشرايين، ويخفض من نسبة الدهون.

كذلك يحتوي الباذنجان على نسبة عالية من المواد المكافحة للسرطان (نفس المواد الكيماوية التي تجعل التفاح مفيداً لك)؛ كما أن الصبغات الداكنة تعمل على منع التأكسد.

كيف تختار الباذنجان:

الجميع تقريباً يعرف بأن الباذنجان الناضج مر، ولكن حجم هذا الخضار المكتظ بالألياف والبوتاسيوم لن يساعدك على معرفة إذا كان مراً أم لا. فإذا ترك إبهامك أثر على الباذنجان فعلى الأغلب سيكون مذاقه سيئ وقاسي وإسفنجي، حتى إذا كان صغير الحجم.

ولمعرفة الثمار الجيدة، تفقد "سرة" هذه الثمار والموجودة في مؤخرة النبتة إذا كانت بيضوية أو مستديرة. أبحث عن البيضوية – فالمستديرة تحتوي على بذور أكثر وحشوة أقل. ولتخفيض نسبة مرارة الباذنجان، قطعها على شكل دوائر، ورشه بالملح، ثم بعد نصف ساعة، اغسله واستعمله. يسحب الملح الماء، والمركبات المرة.

معلومات عن الباذنجـان " Solanum Melongena"

نبات مشهور من فصيلة الباذنجنيات، عرف منذ قديم الزمان، وكان يسمى بالفارسية " إبذنج " ومعناه "مناقير الجن" وعرفه العرب وأطلقوا عليه عدة أسماء منها: "الأنب" ، و"الحيصل" ، و"المغد" ، و"الوغد" . ورغم انخفاض القيمة الغذائية للباذنجان إلا أنه مفيد في علاج كثير من الأمراض والوقاية من بعضها الآخر.

الى كل محبي البيتنجان (وانا منهم) وخاصة التبسي أهدي ... 20081022

شكرا جزيلا اخوي نادر على مرورك الغالي علي وعلى صفحتي الله يحفظك وكل عيد قيامة وانت بخير اخوي نادر
اختك
جيهان الجزراوي
هولندة

شكرا من اعماق قلبي وزادني فرحا وشرفا بمرورك اخي انطون على الموضوع والرد الذي اضيف الى الموضوع فائدة وزيادة معلومات نعم اخوي مرات يطلع مر وقت كنت في العراق كان مر وعلقم وكنت اخذ واكل لحم وكل باذنجان ارميه والدتي الله يطول عمرها كانت تقول بنتي لاترميه حرمات كنت ارد عليها لانه مر بيس وقت جئت الى هولندة كله طيب وقليل جداا مر واكيد شكرا على معلومات في شرائة
اختك
جيهان الجزراوي
هولندة