/// ابوذيّات رائعـــــة ///

اجيك ازحوف مااتعب ولفحط
وبنص الگلب ياوادم ولف حط
الف حراس لو خلو والف حط
اجيكم واليصير ايصير بيه !


يفز القلب من يسمع ولك جاي
اعوفن كل هلي وامشي ولك جاي
حبيبي قوري اصيرنلك ولكچاي
وتخدرني أعلة كيفك كل مسيه



يعاني الگلب صاير من جذبهم
واحس بيه المرض من جذب هم
الدهر يدري ابجرمهم من جي ذبهم
على الباقي ابحياتي ابلا خطيه..


بدر التام خـــــــــــــد ولفي وهچ بي
وادرسه عله العشك توني وهچبي
لو بيــــــــــــــــــدي اكضنه وهچ بي
غالي واغله من عنـــــــــــدي عليه



باب الشوگ بيدك .....من تفك فاك
حلو وابريع وجهك ...م انتفى اكفاك
احب لمعة اسنونك ....من تفك فاك
ليلو او بالظلام ايبان ضيه


ماي احروف شعـــــري.. كلمة نارة
واشوفة ابين ربعــــــة.. كالمنارة
تدري اشلون حالــــي..كل ما نا ارى
طولة ترتجف كالسعفة اديـــــــــــة




عليك الروح هامت ...منته خلها
تريد تروح عدمن ...منته خلها
نخت العاذل اخلافك... منته خلها
لان يفرح من تشح انته عليه .

**********************

>> منقول >>