هنياله العراق أنعقدت الـقمة

هنياله العراق أنعقدت الـقمة
أجانه الخير كله وحلت النعمه
العراق انت ابو الخير وبيك نهرين
أجت يمك زلم ما كو مثلها اثنين
من جزر القمر واليمن و البحرين
أبوالصومال أجه يلطم عالخدين
غابوا مبارك والقذافي والزين
وعلي عبدالله الصالح راح وين ..؟
خوفي عليهم بس لاصابهم شين
جانوا موجودين بقمة كبل سنتين
ومام جلال يصيح على بان كيمون
تعال يا امين الجامعه العربيه رحت وين
والمالكي مو غلطان من كال العراق الشقيق
لان يمثل ايران ومنسب عدنا صارله سنتين
هذوله قادتنا كلها تصيح بالهم
ومايتفقون على قرار من تكَعد و تلتم
أهل حجي المعدل والذبح والدم
وشيوخ النفط عكولهم ملتمه
أحرار بعكَلهُم بس جابوا علينا الغم
بكل مؤتمر يطلعون ب(40) قرار
بس قرارات قمة بغداد بيها رنه

من وريقات دفتري

لا عاب حلكك يا أبن البار على هذه الكلمات المعبرة عن هؤلاء الذين هرولوا الى بغداد بأوامر أمريكية لأنهم رعاع وعملاء خونة لا يهمهم في الدنيا غير السلطة والمال على حساب شقاء وتعاسة الشعب العربي من المحيط والى الخليج , نقول لهؤلاء أن دوركم ات لا ريب في ذلك فأمريكا ليسى لها صاحب وصديق وهي تتخلص من عملائها بعد أنتهاء مفعولهم وهنالك أمثلة كثيرة على ذلك وعلى سبيل المثال لا الحصر - شاه ايران ومبارك وبن علي وغيرهم


البيت الارامي العراقي


مع المودة الخالصة


ونرجوا أن تتواصل معنا أستاذنا العزيز ناصر لكي تكون المنفعة متبادلة بين موقعينا - البيت الآرامي العراقي , وشيوز للجميع