البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

 رسالة من بغداد إلى كل العراقين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr.Hannani Maya
المشرف العام
المشرف العام



الدولة : العراق
الجنس : ذكر
عدد المساهمات : 37598
مزاجي : أحب المنتدى
تاريخ التسجيل : 21/09/2009
الابراج : الجوزاء
التوقيت :

مُساهمةموضوع: رسالة من بغداد إلى كل العراقين   السبت 21 نوفمبر 2009, 10:26 pm

رسالة من بغداد إلى كل العراقين

أحــس روحي غريـبـة هنا من يـوم إلتركتــوني
تانيـــت سنيــــن ودهـــر حتى ترجعــولي
ثاري العمر كله إنكضـه وإنتم هجــرتـوني
لميــت جــروح القـلب ونشفـــت دمــوعــــي

وبثـوب الحزن غنيــت يا لرحــتوا سمعـوني
بغــداد ذكروني إبوكت وكلمة إكتبـوني




مريت وكت العصر ،، متعني يم حمود
خدرلي جاي وبجه ،، وسولف سوالف سود
كال انته من ياسلف ،، كتله ابفرات الجود
دورته بالخارطة لن الوطن مفقود


ومريت للمدرسة اتامل الطلاب
شو شفت طالب بجه وحط بين اديه كتاب
بيه خارطة للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي بجي مفجوع
كال انه بالخارطه الكيت الوطن مبيوع


متواعد ويه الفرح
والوعد صارله سنين
لا مر علي بحلم
ولا شفته شوف العين
ناشدت وين الفرح؟
كالولي متأسفين
ممنوع هسه الفرح ،، عن كل العراقيين





عموري ابني طلع مارد اله يومين
سالت كل البشر عموري ابني وين
كلمن يجاوب شكل زين الجواب وشين
واحد يكول معتقل يطلع بعد سنتين
واحد حجالي عمر اعرف طريقه منين
وداني للمشرحه وكالي دور على ابنك هين
ولكيت 100 عمر ولكيت 100 حسين
ولكيت كل الوطن يلطم على الخدين
مادام نبجي سوى منهو الكتل الاثنين
مادام نبجي سوى منهو الكتل الاثنين


ندعي سوه و احنه بهل الشدة ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر ايوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكدة و عكدة
آخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
اموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده


احلى شي اببغداد لمن يصير غروب
فوق الجسر تمشي انته والمحبوب
ودجله تحضنك حضن وتحس العمر مافات
وشكد حلوه لمت هلك وياهم تتعشى بالكريعات
ولو تجي وتفتر بعد وتدخل على المنصور
طيبة وحنان وعشق واحلى طيور
والعيد عدنه حلو الله ياعيدي
يلله...خلي نقارن سوه !!
وايدك تضل بيدي .!.!
ايفل وبرجه..وبك بن واهله
ومول الامارات وابن بطوطه
واهل لندن وكل تكساس
يرحون فدوه ونذر لشارع ابو نؤاس

الرجوع الى أعلى الصفحة اذهب الى الأسفل
حبيب حنا حبيب
مشرف مميز
مشرف مميز









الدولة : العراق
الجنس : ذكر
عدد المساهمات : 20122
مزاجي : احبكم
تاريخ التسجيل : 25/01/2010
الابراج : الجوزاء
التوقيت :

مُساهمةموضوع: رد: رسالة من بغداد إلى كل العراقين   الإثنين 13 سبتمبر 2010, 3:22 pm

[ندعوك للتسجيل في المنتدى أو التعريف بنفسك لمعاينة هذه الصورة]

* رســـــالة من بَغــــــدادُ * !!!

رسالة متميّــــــزة ! تسلم الأيادي أستاذنا الفاضــــــل ـ أبو فرات ـ !

خالص تقديرنـــــــــا ...
الرجوع الى أعلى الصفحة اذهب الى الأسفل
 
رسالة من بغداد إلى كل العراقين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الثقافية , الادبية , التاريخية , الحضارية , والتراثية Cultural, literary, historical, cultural, & heritage :: منتدى الشعر والادب بالعربية المنقول Forum poetry & literature with movable Arabic-
انتقل الى: