الصحافي عصام كشيش يكشف "التطور الهائل" في قطارات العراق الجديد

بغداد-"ساحات التحرير"
كشف الصحافي عصام كشيش الذي يعمل في "شبكة الاعلام العراقي" عن مستويات "التطور الهائل" في قطارات العراق الجديد، من خلال رحلة من العلاوي الى ساحة عدن المؤدية الى مدينة الكاظمية لتغطية حدث احياء ذكرى استشهاد الامام موسى بن جعفر عليه السلام، كونه يعمل في قناة "الفرقان" التابعة للقناة.
وكتب كشيش على صفحته في الفيسبوك "البارحة بتت بشبكة الاعلام ...علمود تغطية مناسبة الاستشهاد وبالف يا علي الا وصلت ...المهم اليوم طلعت الظهر من القناة وراجع لبيتي وطبعا مشي للعلاوي ومن هذا الحر اللي يعجب ...فمن وصلت لكًيت الطريق مغلق وبالصدفة قريت قطعة على المحطة العالمية وبمبادرة من وزارة النقل بنقل الزائرين من ساحة عدن للعلاوي وبالعكس وفرحت جدا لان اول شي راح اقطع ثلاثة ارباع المسافة وهم اصعد قطار لان من التسعينات ما صاعد وثاني شي ثمنت هاي المبادرة من وزارة النقل واحساسها بالمواطن وبعد الانتظار صعدت بالقطار".

تكبير الصورة تصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.
الصحافي عصام كشيش يكشف "التطور الهائل" في قطارات العراق الجديد 1517850_train%20of%20new%20iraq

الصحافي عصام كشيش يكشف "التطور الهائل" في قطارات العراق الجديد 1517850_train%20of%20new%20iraq

الصور التي ارفقها الصحافي عصام كشيش لحال القطار يقول عنها "وما ادري اضحك لو ابجي لان حال القطار يرثى له وحتى بالصومال ماكو هيج قطار ... الكراسي ما بيها مسند وتبجي هي على كراسي وتبريد ماكو وجام مكسر وارضية زفت ...التعليق الكم.... بس عندي حجاية زغيرة لوزير النقل ...عوف الفساد الاداري والمالي وميناء مبارك والاصطفافات الكتلوية وتعال اركب بالقطار رحمة لوالديك وللعامرية كلهم" في اشارة الى وزير النقل هادي العامري.