قصيدة شوك للبصرة

كالولي شبيك امصفن وسرحان
تــره الجواك ماتكدر تـــنـكره
شـو ماجنـت مـن كبــل هيج
وجهك سـاهم ونفـسك مكدره
مو جنت انت ابــو الضـحكات
والمقهور بينه تكعد اتـصبــره
شمــالك صــرت مـثـل الطير
الطار وما عـرف يــرجع لوكره
أخاف أنت يخايب صرت عشكان

وآه الكلب من تجويه الـجمـره
كلــي ياهــي سلبــت الـروح
الطويله البيضه لو جيرانه السمره

واذا موجوع جسمك احجي وكول
نجيب الطبيب الوجعك يوخره
بس امي عرفت وجعـتي زيــن
وكدرت بالـلي بالكـلـب تــقره
وكالــت ابـني وأعرف شبــيه
تـره مـرض من فارك الــبصره


حذام عبد السلام عامر


منقول