بسكوتك حيرتني

بقلم الاستاذ الشاعر الشيخ فريق مزعل ثامرمطلك الفليح الركابي
( بسكوتك حيرتني ) .
بسكوتك حيرتني
هذا طبعك ليش
وانته بغير دمعه
امبجي عيوني
يطيف فراكَ
ويلوكَ المعاتب بيك
واحجي ويل الخيال
انته مخليني
اضحك للهوه
والهم تره جتال
ولحد الان
رمح الهم مأذيني
مكابر مااطخ الراس
واحجي هموم
واضحك عل شماته
البيهه سابيني
اذبحني اعله ياقبله
انته تريد
وبرّد نار هجرك
واحركَ سنيني
يبلسم للجرح
مرود كحل للعين
اخافن من تكحل العين
تعميني
يريحان الجرف
ياسعد يانعناع
وانه بصبير سبخه
ازرع بساتيني
قاسي !!
وياطبع هذا المأثر بيك
سكوتك من رضه
لو زعل ياعيني
ياعنبر شتاله
وبردي وسط الهور
ويعود الخيزران
ولابس رديني
وناعور الوكت
دار بشمال الريح
بشته وبليله ظلمه
انباكَت سنيني
بيّن لو وصل
لو هجر هذا البيك
محتار بسكوتك
لاتخليني