هيّجني كلامك

بقلمي / الشاعر الشيخ فريق مزعل الركابي

(هيّجني كلامك)

هيّجني كلامك بيش ارد اعليك
انه ضلوعي ربابه وتطرب العدّك

موبيدي زماني المانصف ويّاي
معقوله اعوفك ياحمد وحدك

جزاني الريل حدّرماعرفته لوين
واباتن بالمحطّه وانتظر وعدك

اتغطّه السهر وامرادف الحسرات
بس نار الشماته لاتمس خدّك

نستني اعضاي كلهه ومابعد ضل حيل
بس انته صديق وصادق بوعدك

اشم بيك الموّده وذاك طعم الهيل
ومثل نهر المكَيّر نكَعد بسدّك

موحضن الشمس دافي واضمّك بيه
اضمّك بالكَلب واتنعّم بوّدك

ياريح الشمال وياصريفة هور
وي شمس الغروب امحدّرابكعدك

افرشلك اعيوني والرموش اطناب
وانته براحتك اختار اليسعدك
وانته براحتك اختار اليسعدك