♫ شعر شعبي جميل : بقلم عراقي شريف !!! ♫

{ بين الصّدگ والچذب .. أبوية راد يصير نائب }

{ گالتَه أمّي : أترك هالحچـي ؛ أثگـل يا الشّـــــايب ! }

{ بين الصّدگ والچذب .. أبويه راد يصير ناب }

گعـد أبويــه من الصّبح ؛ مرتّب أوضاعَـه حتّى الحواجب }

{ بين الصّدگ والچذب .. أبويَـه راد يصير نائب ! }

{ وغاب أيويَـه وآبتعـد عن الغدا ؛ آنطيناه غايب ؛

وآبتعـد عن العشـا ؛ أنطيناه غايب }

{ بين الصّدگ والچذب .. أبويَـــه راد يصير نائب ! }

{ وجانا أبويَه مرتّب أوضـاعَه وصابغ حتّى الشّـوارب }

{ بين الصّدگ والچذب .. أبويَه راد يصيـر نائب ! }

{ وگعـد أبويَـه من الصّبح ؛ وباع كل طليانَه وكل نعاجَـه وحتّى الگاع

وصرف الدّولارات ؛ الأگــرعْ الشّــــايب }

{ وبين الصّدگ والچذب .. أبويَه راد يصير نائب ! }

{ ولف كل مستمسكاتَه ونطَح لبَغــــداد ؛ وكل طموحَــــه يصير نائب }

{ وجانَـه أبويَـه وچنتتــَه معبعَبـــــه ؛ ويمكـن شُغلَه هَـمْ مرتّبــه ! }

{ وجمع كل الأحبّـة وكل العَشيرة وكل الگـرايب ؛ وگام يوزّع بطّانيّات

وغسّـــالات وصوپـــــات ... الخ من الشّــــعر ... }

بين الصّدگ والچـذب .. أبويَـــه راد يصيـــر نائب ! }

* مـن طرف شاعرنا ناصـــــر ياقـــــو .. مدير منتدى شيّوز للجميع *