☚ شعر شعبي عراقي : خُــــذ دَمّـــي حُبـــــر ... !!! ☚

بقلـــم / الله كريــم ..
لازم گلبي بيدي وگاعد انتظرك
تانيتك تجي وماجيت شيصبرك
واگف كل كياني وروحي تتلگــــاك ...
من گلبي أندعي المانع عسه لأمـرك ...
دگات الگـلب تحسبلك اللحظات
وعيني معلّگـه آعله الباب تنتظرك ...
لحظات أنت عندك وآنة عندي ســنين
وسنيني بمحــــبتك نستّـك قهــــــــرك ...
مالازم تجيني ولا تشوفك عيــــــــن
بس منّـك عذر ودّيلي عن هجــــرك ...
زرعت كل عمري لَجلّــك من ورود أشكال
وعطر وردي بدلالك مايجي لعطـــــــرك ...
عمري أنطيك لو منّـــــــي عمر تحتاج
وآمتونك بعد خاطر يضل عمرك
ومو بفلوس گلبـــــــي ولا سعر ينباع
لأنّـك أنت بــــي غالي يضل سعـــــرك
بس وصـيّة أوصيلك قبل لا اموت
أحفظ ســرّي مايوم فضحت ســـرّك ...
وأكتب عالگبر هذا آلفداني ها آلـرّوح
وأخذ دمّـي حُبــر لو جفـــــا حبرك !!