∲ لأن بستَك حبيبي تزاعلت ويّاي / شـعر شعبي عراقي !!! ∲

لأن بستك حبيبي تزاعلت ويّاي
آسف موگتلك ما أكـرّرهه

لو آدريك تزعل ما أبوس شفاك
آحْسبهه علـيّ ها المرة عبّـرهه

معذور آنه صدگ لن چنت عطشان
وأمطارك حلم بلكـــو تقطّـرهه

شفت گبالي زمزم وآرتايت أرتاح
ومنهه أنه شربت لحظات أذْكـرهه

حسّـيت الكسوف بگلبي صار بساع
وبعيني الشّمس مكسور خاطرهه

وبظهري أحس ذنوب ما تنشال
هاي ذنوب يمّـك بلكي تغفرهه

أحس آنه أحس آعيوني بس كلمات
تكتبلك شعر هو أنـتَ شاعرهه

أحس آضلوعي صارت بيّـه چنــــه سيوف
هاك ضلوعي كلهه گبالي كسّـرهه

بيدك أنت روحي وآنه أريد الروح
خلي ايدك بدييه وروحي فجرهه

هيّـه أصلا ألك آخذهه يمّـك دوم
سامحني وألك هالـرّوح آنذرهه

غيبوبه وخذت منّـي الوعي بلحظات
وبوسة تحـوّلت غيبوبتي آعذرهه

شمّـرتني آعله شفتك ميّت بلا روح
غيبوبه وصغيره شبيك دعذرهه

أخذ منّـي آلتريده وآعتذرلك جاي
هاي جروحي يلّـه بملحك آحفرهه

هاي عيوني يمّـك وآني كلي آهنــا
وآنذار أصفر أنطي الـرّوح آنذرهه

* منتدى : عراقنـــــــــا *