البيت الآرامي العراقي

حبيب العربنجي : رحمة من العزيز الجليل Welcome2
حبيب العربنجي : رحمة من العزيز الجليل 619888zqg202ssdr
البيت الآرامي العراقي

حبيب العربنجي : رحمة من العزيز الجليل Welcome2
حبيب العربنجي : رحمة من العزيز الجليل 619888zqg202ssdr
البيت الآرامي العراقي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البيت الآرامي العراقي

سياسي -ثقافي-أجتماعي


 
الرئيسيةالرئيسيةبحـثس .و .جالتسجيلarakeyboardchald keyboardدخول

 

 حبيب العربنجي : رحمة من العزيز الجليل

اذهب الى الأسفل 
كاتب الموضوعرسالة
البيت الارامي العراقي
الادارة
الادارة
البيت الارامي العراقي


حبيب العربنجي : رحمة من العزيز الجليل Usuuus10
حبيب العربنجي : رحمة من العزيز الجليل 8-steps1a
الدولة : المانيا
الجنس : ذكر
عدد المساهمات : 10368
تاريخ التسجيل : 07/10/2009

حبيب العربنجي : رحمة من العزيز الجليل Empty
مُساهمةموضوع: حبيب العربنجي : رحمة من العزيز الجليل   حبيب العربنجي : رحمة من العزيز الجليل Icon_minitime1الإثنين 21 يونيو 2010 - 1:27


حبيب العربنجي : رحمة من العزيز الجليل


16/06/2010

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]إخوان أكو بشارة...يمعودين خلوني آكل حامض حلو ولا أحد يقاطعني وماكو داعي للتصفيق، بس إحنا العراقيين لازم نتلوگ ولازم نصفگ وطبعاً بلا إنقطاع ، وفي حالات كثيرة شوهدت في العراق حلقات لطم مع كل إعلان عن بشارة علما أن الحكومة
معودتنا على بشارات حلوة مو عزا أسود بلون لحية وقندرة حبيبي أبو التيار المموي...ولحد الآن ما أعرف ليش لازم نلطم وي كل بشارة حكومية، يجوز لطمة فرح مثل دموع الفرح ، أو يجوز لطم التماسيح مثل دموع التماسيح، بس آني سمعت بجواز الأمرين في أصدق الروايات كما جاء في مضاجع الأولين لأبي فراش الدوشكي.
أخوتي بالضياع
نبشركم وعلى گولة الأغنية الأزلامية السابقة (يا مبشر بشر قائدنا) بس إحنا هالمرة الموضوع بالعكس لأن كل شي بالعكس بالعراق المگلوب على بطانته، فالقيادة أو الحكومة الرشيدة دا تبشر الشعب... والبشارة يا إخوان ترى إحنا بالمرتبة الأولة والله العظيم بدون أي واسطة أو رشوة، بس بزودنا وچد حكومتنا، صرنا بالمركز الاول عالمياً كأكثر دولة خطرة على الطوبة الارضية ، يعني حتى فيروس إيبولا إللي يسبب الإسهال الدموي والموت مو مثل خطورة العراق، بعد شتريدون يا جاحدي النعمة صدگ العراقي ما يشبع، يعني هاي المرتبة ما ينالها إلا ذو حظ عظيم وإلا دولة فيها حكومة رشيدة ..والله رشيد القندرجي لو جاي وصاير حكومة براسنا قندرته چانت هسة تشرف أشرف واحد بيكم ، ولو أنتو شريفكم مثل ناهد شريف !!
ونرجع للبشارة....وهالمرة ردح وبزغ وهجع للضالين لأن عرفنا شنو هي البشارة
يا حمامير الوطن
أيها الشعب الغشيم
بعد ماكو واحد يگول الحكومة ما سوت شي يسوى للعراق والعراقيين، صدگوني ماكو ساعة إذا ما أفتح الإيميل بكافة قنواته العاملة والأرضية وقناة البث المباشر والإذاعات الموجهة وإذاعة صوت الجماهير والإذاعة الكردية وجريدة الثورة والجمهورية والعراق وحتى جريدة الراصد إلا وأشوف أكو مجموعة إيميلات من مصادر مختلفة، من مجموعة حشاشة العراق، ومجموعة هشاشة العظام، ومجموعة حمورابي، وقوات النداء، وقيادة قوات دفرة وزفرة، كلها مشتركة في الإبلاغ عن البشرى العظيمة... العراق في المرتبة الاولى...كأخطر دول العالم (شنو أبود كنبر إنعلس أشو ماكو لا صوت زر......طة ولا تصريح) ، إي بعد شتريدون يا ظلام يا هلي على رأي لؤي عدنان، الحكومة درست الوضع العالمي وأستقرأت المعطيات و سعر الطماطة وإشكد يكلف صحن الجاجيك، وشافت هسة الوكت مال القوة والخطورة ، يعني إذا واحد مو خطر ما حد يخافه، يعني العالم إلمن يحترم اللاعب كريستيانو رونالدو لو اللاعب خضير أبو الحب من نادي الكهرباء؟، ولأن إحنا بدولة العراق الفيدرالية الإسلامية الأميركية الإيرانية السورية السعودية التركية المدغشقرية (لازم مدغشقر لأن عدنا هواية قرود) الديمقراطية الكتلوية الإئتلافية الإتلافية التوافقية الطائفية المخاصصجية الخصوجية ** الإجتثاثية النزيهة الساقطة بالضربة الفنية القاضية إللي ما عرفنا من وين جتنا لو منو ضربها أو سددها، لأن إحنا على عناد الجماهيرية الليبية والعقيد المجنون عدنا دولة بيها أكبر صفات... شتريد صفات جيب وألزگ وطبعا لازم تجيب من الخرابة لو من الزبل مو تروح تجيب لي صفات مال ناس أوادم، المهم، لأن عدنا هيچي دولة فلازم ما نقبل غير بالمرتبة الاولى... خلاص أول يعني أول لو فيل ينكح فيل (صدگ وين يخلي الخرطوم بهاي الحالة !!!).
وشلون ما نصير بالمرتبة الاولة إذا عدنا حكومة بلدوزر ما تخلي أحد يوگف گدامها في مسيرتها الظافرة نحو أسوأ دول العالم واقذر مدن العالم، ترى إللي يوگف گدام الحكومة العراقية ما يلوم إلا نفسه الأمارة بالسوء، وأكيد تعرفون جماعتنا شلون يتصرفون بجنتلة وعيني وآغاتي إذا واحد واگف گدامهم.. وللمزيد من التفاصيل يرجى مراجعة وكيل بيع أفلام البورنو السيد مناف الناجي حتى تعرفون شيصير بواحد إذا واگف گدام الحكومة، لأن السيد مناف (صدگ مناف للأخلاق) أطال الله ما بين فخذيه إستعدادا لدخول موسوعة غينيس خبرة سكسية وشلون عنده دعامية عبالك همر مو عضو منتدب، يعني يشيل الأكو والماكو وما يقصر... وصدگوني هاي هي حالة كل واحد يوگف گدام الحكومة أو أي طرف حكومي (واحد أو وحدة ماكو فرق المهم أكو عضو منتدب هو يخلص الموضوع والتصوير والتوزيع).
وإللي سوته حكومتنا الرشيدة (شوفوا مدا أحدد نوع الحكومة ...بورية لو السرسرية لو واوية,, لأن شغلة تايهة وبايگة هوا) ذكرتني بواحد من ربعنا چان يلعب طوبة ويانا بالدربونة، ومن تجي له الطوبة يگوّل على أقرب گول عليه، يعني ما عنده صاحب فريق، لأن هو چان يگول أن الفكرة من اللعبة هي تسجيل أگوالة ومو مهم على يا فريق، وهذا اللوتي المصيبة چان خوش لاعب ويگول بلمسة سحرية ولا واين روني أو ليونيل مسي، ونفس الشي حكومتنا الرشيدة، مو مهم نطلع الأول في قائمة أسوأ دول العالم وأقذرها بس المهم إحنا الأول على عناد ياسر القحطاني أبو التفلة، يعني الحكومة عدها شي تسجله للتاريخ وتگول هي جابت المركز الاول للعراق في أصعب المجالات، يعني صعوبتها ولا صعوبة فوز العراق بالمركز الاول في رشاقة الحركات الأرضية (وخاصة إذا عدنا ريس ربع طن وأقجم)، بشرفكم هسة منو لو يا حكومة تتجرأ أتفكر...بس تفكير بدون تطبيق في الحصول على المرتبة الاولى في قائمة أقذر مدن العالم، مو ينردالها جرأة أكبر من جرأة گو......اد يخطب بالناس عن معنى الشرف....بس هم زين مو مثل هذاك الطيب من البلدة الطيبة...ما عنده لا شهادة ولا بطيخ,,, بس من دار الزمن صار مدير دار الأيتام... وأول يوم من شغله... جمع الأيتام وگاللهم أكو إجتماع مجلس الأباء والامهات الأسبوع الجاي وإللي ما يجيب أمه وأبوه سوا خلي يبطل !!!گبرررررررررررررر
عيوني التعبانة أنتو
دا أحس بزهو وفخر.....يا رب أنتو همين....
وتهانينا يا أيام....
صرنا بالاول وچانت احلام...
وإللي يحبنا يفرح ويانا....لجميع الناس اغانينا ..
تهانينا...نهانينا
على الكهرباء والونة
تنام عيوننا وتصحى
تهانينا تهانينا
[ندعوك للتسجيل في المنتدى أو التعريف بنفسك لمعاينة هذا الرابط]

الرجوع الى أعلى الصفحة اذهب الى الأسفل
 
حبيب العربنجي : رحمة من العزيز الجليل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الثقافية , الادبية , التاريخية , الحضارية , والتراثية Cultural, literary, historical, cultural, & heritage :: منتدى قرأت لك والثقافة العامة والمعرفة Forum I read you & general culture & knowledge-
انتقل الى: