البيت الآرامي العراقي




البيت الآرامي العراقي

سياسي ِ ثقافي ِ أجتماعي


 
الرئيسيةالرئيسيةبحـثالتسجيلarakeyboardsyrkeyboardدخول

شاطر | 
 

 سياسيون فاسدون, أم شعب كمش : سرمد علي الجراح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Yousif Dawood Qutta
عضو فعال جداً
عضو فعال جداً



الدولة : المانيا
الجنس : ذكر
عدد المساهمات : 2050
تاريخ التسجيل : 19/02/2010
الابراج : السرطان
التوقيت :

مُساهمةموضوع: رد: سياسيون فاسدون, أم شعب كمش : سرمد علي الجراح    الأحد 08 ديسمبر 2013, 4:49 am

سياسيون فاسدون, أم شعب كمش
سرمد علي الجراح
من الامثال المصريه الجميله: (المال السايب يعلم السرقه) ومن يظن إن الاخلاق أوالدين يمنعان النفس الأماره بالسوء فهو واهم جدا
ولأن ثقافتنا الدينيه المنتشره هذه الأيام, تفيد بأن دمعة على الحسين تمحو ماتقدم من ذنبك وما تأخر!! هذا إذا كنت من أتباع أهل البيت
;أما إذا كنت من أتباع أحد المذاهب الأربعه السنيه, فعليك أن تحج لبيت الله لترجع كما ولدتك أمك بل أنصع بياضا
هنا تجدر الاشاره الى أن الكافر وشارب العرق هو الوحيد الذي لا تنمحي ذنوبه لأنه لا يبكي ولا يحج.

مما تقدم يمكنك كمؤمن, أن تفعل ماتشاء في هذه الحياة من موبقات وجرائم وسرقات, ثم تضغط على زر دليت Delete فتنمحي بقدرة قادر كل سيئاتك, وتبقى لك الحسنات كبخشيش على طاعتك لأهل العمايم, أدام الله ذلهم, قصدي زلهن, قصدي بعلهم أو بغلهم, والله نسيت شنو الكلمه الاصليه (هلكد ما نايمين على خوانيكنه)
زين عندي سؤال للمرجعيه الرشيده ولمشايخنا الافاضل من الشيعه والسنه, إذا السيئات تنمحي هيج على السريع وبلا وجع قلب, ليش خابصينه, صلوا وصوموا والطموا, ولا تعاينون عالنسوان, ولاتغنون ولاتركصون, وانطونه خمس, ولاتصير من جماعة ابو خالد!!
أشو ماشاء الله, الدين يسر لا عسر, والطريق أمام المؤمنين سهل ومفتوح للتوبه والمغفره, وخصوصا لعتاة المجرمين وكبار السراق
لو بس حضرتكم كادرين على المساكين وتركضون وره النسوان هاي مو محجبه وذيج حاطه حمره. وهاي باتت تلعنها الملائكه. يعني الله يغفر ويمسح ذنوب هل السرسريه والمجرمين, واحنه ولد البايره مايسامحنه؟
من فطارتي كنت اتصور أعضاء مجلس النواب لما يروحون للحج كلهم, ويتركون البلد تايه, كنت اتصورهم طمعانين بهدية الحج والاجازه!!
بعدين ياله عرفت هذوله ليش يركضون على مكه, أثاري واحدهم شايل ذنوب أكثر من سكان الارض مجتمعين, فيريدون يريحون ضميرهم المؤمن, وياخذون استراحه حتى يبدون غزوه ايمانيه جديده, ينتفون بيها ريشنه, ويلغفون ماقسمه الله لهم من مغانم في هذه الفطيسه
والحقيقه حلال عليهم كل اللي يحصلوه, لأن إحنه شعب كمش على التيغه وماعدنه إحترام لنفسنه وللحياة
ومبروك عليك حجي اسامة النجيفي التواليت الجديد اللي سويته بمليارين دينار!!
خويه هذا مرحاض لو الصحن الطائر؟؟
بس عليك بداعت مجلس النوام وانت رئيسة, من تروح تحج جيبلي صوغه, أريد نعال جلد بعير ماركة عز الحبايب من مكه, أستعمله مثل ابو تحسين عند الحاجه, بس أمانه عليك, مو تعلس حتى الصوغه علينه!!
الرجوع الى أعلى الصفحة اذهب الى الأسفل
 
سياسيون فاسدون, أم شعب كمش : سرمد علي الجراح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البيت الآرامي العراقي :: الثقافية , الادبية , التاريخية , الحضارية , والتراثية Cultural, literary, historical, cultural, & heritage :: منتدى قرأت لك والثقافة العامة والمعرفة Forum I read you & general culture & knowledge-
انتقل الى: