أهازيج النصر

أهازيج النصر

بِسْمِ اللّهِ الرَّحْمَنِ الرَّحِيمِ
أهازيج النصر
شبكة البصرة
بنت البصرة
عبّي البارود وجوب النا*
نكطع راسه اليوصل حدنا
***
إحنة الفرسان ابموطنا
أخوة هدلة الكل يعرفنا
***
لو هلهلتي يالحبابة
للغاصب نحرك دبابة
***
ولو جاسم لوّح بالبرنو
تفزع حتى الطير البلجو
***
احنة الثوار الطلّابة
موطنا نموت اعلة ترابه
***
احنة الأحرار اهل الغيرة
موطنا وما نرضى بغيرة
***
إيران انحطم تيجانج
وبالسم انجرّع أعوانج
***
أعوان امريكا نحاربهم
وبعون الرحمن انذلهم
***
الأنبار تثور اعلة الظالم
وما ترضى اعلة الحك تساوم
***
بنت اللي ثاروا بالفالة
ومكوار العز بيه جتالة
***
ذولة أخوة هدلة ونشمية
واحدهم بالف وستمية
***
لو ثاروا ما واحد يرجع
ما يردهم صاروخ ومدفع
***
ذولة الأبطال الهجّامة
للغاصب ما ذلوا هامة
***
الفلوجة التنزف ضمدوها
وبالنصر العاجل بشروها
***
بغداد تهلهل سمعوها
تنخاكم وانتوا تعرفوها
***
بالأسر الغاصب عذبها
وراواها المر ولوعها
***
يالله الأنبار انعاونها
ونشعل بيّة اللي كاونها
***
منصورين وربنا ويانا
ونكسر إيد اللي لاوانا
***
يا ثوار اخذوني وياكم
بالنصر اهتف يا حياكم
***
موطنا وما نرضى بغيرة
*(جوّب من الجوبية رقصة أهل الغربية)
شبكة البصرة
السبت 3 ربيع الاول 1435 / 4 كانون الثاني 2014
يرجى الاشارة الى شبكة البصرة عند اعادة النشر او الاقتباس

شكرا استاذنا الفاضل د . ابو فرات لرفدنـا بقصيدة
*** اهازيج النّصــر *** للشّاعرة بنت البصرة ***
حياكــم الله .