شعر شعبي عراقي خطير

شعر شعبي عراقي خطير

عراقي وصرت منبوذ آنه اليوم وتلوم الناس بيه

ممحصل انا اي شي بس الهويه

واحد يكول بعتوها او واحد يكول ارهابيه

او واحد يكول صرتوا عدنا هوايه ويريد يسد بابه عليه

اتمنيت اكعد من النوم والكه واحد مثل زايد عليه

ويكولي هاك حصتك من النفطات روح تونس شويه

واتمنيت نرجع للعراق اليوم وأسد حدودي عليه

واكول ممنوع دخول الاردني والسوري والمصري وولد اليهوديه وممنوع دخول كل جنسيه عجمية وعربيه

وألكه شعبي فرحان وبغداد كلها مضويه

ولا شيعي ولاسني ولاكتل على الهويه

واشيل الحكومه كلها والعن ابو الطائفيه

واحطهم بجدر حامي واسويهم هريسه للحسينيه

ونبني مول جبير بصف نادي الهنديه

واضوي العرصات وتنظفها البلديه

ويرجع ابو نؤاس والجادريه

والكرادة وزيونه والحارثيه

واسوي ملعب جبير من الثورة للحريه

ونبني مبنى جبير بس ديسكوات ونوادي ليليه

واكتب لافته جبيرة ممنوع دخول السادة والوهابيه

وابنص دجلة برج جبير على عناد الخليجيه

واسوي نافورة طويله اطول من نافورة جده بالسعوديه

ويرجع كل عراقي باوربا وامريكا وبالدول العربيه

وترجع بغداد حلوة على عناد ايران والدول العربيه

بس مو كلها تريدوها هسه هاي بسنه 2100

إن شاء الله يا أبو فرات بهمة الشرفاء و الوطنيين العراقين يتعافى العراق و يزدهر
شـكرا ً لجهودك الرائعة و مبروك علينا و عليكم الموقع
أخوكم / جون شـمعـون آل سُـوسْـو
بلجيكا

المتألق أبو فرات
من عدنا ألك ألف تحيــة
على هاي التحفة الفنيــــة
ونتمنى لحضرتـك كل نجاح وموفقيــــة
وآكتب آلنــــا ماتكدر من قصايدك الحلوة
وجنــــــه عـدنا أحلى مزهريــــــة
تقبلوا شكرنا وآحترامنـــــا .
نادرالبغـــدادي ...

ياسلام ابو فرات على هذه الكلمات الرائعة...اه كم نتمنى ان يرجع عراق الخير والسلام ويرجع الامان ونرجع سوية...
اكتفي بهذه الكلمات والبقية............
اجمل تحية وسلام مني اليك

اخوك
ناطق ساكا