جابر جعفر الخطاب يا دار وين اهلج صُفـَـو

يـــا دار جابر جعفر الخطاب يا دار وين اهلج صُفـَـوا

يـــا دار

جابر جعفر الخطاب

يا دار وين اهلج صُفـَـوا حاچيني يا دار
وين ارحلوا عني او مشوا ما عندچ اخبار
يا دار من بعد الأهل ظليتي تذكار
بالباب روحي اتعلگت والگلب محتار
حاچيني يا دار
*******
چانت ليالي امحبتچ شوك او رياحين
والصحبه ما بيها دغش بالگلب والعين
واليوم اصيح او ما ترد بس الحياطين
كلما اشوفچ تلتهب بضلوعي النار
فهميني يا دار
*******
مصباحج ايفت الگلب والگلب متعوب
واتلفني وحشه ابشوفتچ ساعات الغروب
يا دارنه اسنين العمر شمعات واتذوب
الدنيه يا روحي سفر والبيها خطار
حاچيني يا دار
******
يا دار يا أم الوفه البيچ انسعدنه
كل ليله نجمات الفرح سهرانه عدنه
مطبوع رسمچ بالگلب مهما بعدنه
تذكار منج والزمن ما يمحي الآثار
حاچيني يا دار