سيرة الشهيد بيشوي عبد الملاك بيشوي عنده19 سنه كان انسان خدووووم جدا وبسيط اوووي وبيحب كل الناس عمره ما رفض لحد طلب كان هو الل

سيرة الشهيد بيشوي عبد الملاك بيشوي عنده19 سنه
كان انسان خدووووم جدا وبسيط اوووي وبيحب كل الناس عمره ما رفض لحد طلب كان هو اللي بيملا البيت فرح وهزر وضحك هو كان رافض فكرة الجواز خالص وعلي طول كنا نقول نشوفلك عروسه يقول لالا مش هتجوز بالعلم ان شقته جاهزة واجهزته كلها بس هو ما اختارش حاجه فيهم كان يقول اعملوا انتوا انا مش هتجوز من شهر 12مسك خدمه في كنيسه العذراء وابو سيفين وابسخيرون في سيدي بشر قبلي كان هو اللي بيعمل كل حاجه فيها كان بيسهر لحد 5الفجر عشان يخلص بيت لحم (بيت القربان)من اجل ان يتم خبز القربان داخل الكنيسه ويحكي قدس ابونا بيشوي كاهن الكنيسه ان بيشوي تعب كتير معاه ورفض ان ياخد اي مقابل لعمله وعلي فكرة هو مكنش رايح يوم الحادثه المرقسيه دا كان متفق مع ابونا انه يحضر في الكنيسه اللي خدم فيها بس لاخر لحظه صحي الصبح وقال انا رايح المرقسيه زي كل سنه وكمان هو اتناول يوم جمعه ختام ااصوم واترشم كمان ودا غريب لانه عادة مش بيحضر يوم الجمعه ومش بيتناول اصلا بس بعد حادثه البطرسيه اتغير كتير اووي وقرب من ربنا كتير وكان دايما بيسالني عن كل حاجه في الكنيسه وليه بيحصل كده وعن اللي بيحصل في القداس ويوم الجمعه العظيمه وراح لابونا عشان يسال والغريبه انه يوم عيد ميلاده الاخير صحابه سالوه بتتمني ايه قالهم بتمني اكون شهيد زي بتوع البطرسيه وبعدها قالهم انا هموت شهيد بس خلي بالكم من اهلي وامي واخواتي وقوللهم ميزعلوش لاني هكون مبسوط وانا بدور في الاكونت بتاعه لاقيته منزل بوست لصناديق بتوع البطرسيه وكاتب يابختكم كان نفسي اكون معاكم كان حلمه كده وبس وطلبنا منه نروح نجيب هدوم العيد قال مش عايز العيد ده انتوا جيبوا لنفسكم وصمم انه ميجيبش هدوم واخر فترة كان مطيع جدا بالرغم انه مشاغب اوووي ومعاكس جدا لينا بس كنا مستغربين هدوئه وسمعه للكلام وقوله لكلمه حاضر كتير بس ده كان ترتيب ربنا وكان بيتهيئ لعريسه السماوي كان بيحب دير مارمينا كتير وكل اسبوع كان هناك وكان شفيعه البابا كيرلس وفي الاخر بقا موجود جنبه علي طول يوم الحادثه الصبح كلمته بعد موضوع طنطا وطلبت منه يرجع قال لالا مفيش حاجه وانا هكمل واللي ربنا عايزه يكون وبعدها بساعه حصل الانفجار والغريب انه اليوم ده هزر واتكلم مع قرايبنا اللي عمره ما اتكلم معاهم ولاهزر معاهم بس بيحكوا انه ماسكهم وقالهم ااقعدوا معايا شويه وهزر كتير معاهم وبعد ما روحوا سمعوا عن الحادثه والغريب اكتر انه كان وقف في الوسط مابين عمته وخالته والاتنين محصلهمش حاجة خالص لكن هو اللي راح دا فعلا شخص مختار...هاني عجايبي

بسم الثالوث الأقدس ... الآب ... والأبن .. والروح القدس ... الأله الواحد ... امين .

انـا هو القيامة ... والحق... والحياة .......... من امن بي ... وان مـات فسيحيـا


الأعزاء غبطة البطريرك الكلي الطوبى للكنيسة المقدسة التي ينتمي أليها الشهيد بيشوي ونيافة المطارنة الأجلاء وأبناء طائفته من الكهنة والشمامسة الكرام والشعب المبارك ,, المحترمون ,, .

الأعزاء في عائلة المرحوم الشهيد البار الشاب بيشوي الكريمة ,, المحترمون ,, .

الأعزاء ابنـاء مصر الجريحة المحترمون .
ا
سلام من الله ورحمة ...

* حـادث جلل ومصاب اليم *

الشهداء بذار الحياة والأكرم منـا جميعـا