| | مـَـتـعـوب ياليـل السـَـهـَر: ميسون نعيم الرومي | |
| | كاتب الموضوع | رسالة |
---|
Dr.Hannani Maya المشرف العام
الدولة : الجنس : عدد المساهمات : 60556 مزاجي : تاريخ التسجيل : 21/09/2009 الابراج : العمل/الترفيه : الأنترنيت والرياضة والكتابة والمطالعة
| موضوع: مـَـتـعـوب ياليـل السـَـهـَر: ميسون نعيم الرومي الثلاثاء 23 أكتوبر 2018 - 21:12 | |
| مـَـتـعـوب ياليـل السـَـهـَر تم إنشاءه بتاريخ الثلاثاء, 23 تشرين1/أكتوير 2018 15:53 كتب بواسطة: ميسون نعيم الرومي 0 Comments ميسون نعيم الرومي [size=32]مـَـتـعـوب ياليـل السـَـهـَر[/size] [size=32] [/size] الروح تـَعـَّـبـْهـَه السفـَر – والغـربـَه لهـّـبـَة چانـون
(الدَمـِع حـَدَّه اويـه الجفن) – جـَمـرات حـضنت بجفون نار البعد تـِلهـَب تـوج – سهمه غـِرَز عيب ايهون مـَخـْـنـوگ اغص ابعبرتي – بسكوت تهمل لعيون حسره توج وسط الحـَـشـَه – بجحيل تسطك اسنون خزن جرح وسط الگلب – واضلوعي بيهه ايوجرون بـسـكوت تـوجـعـني وأون – والروح بيهه ايعيلون *** الحيـل دَمـَّه هالجـرَه – مـَـتگـلي دوياته اشـلـون ؟ غابـت شـَـمـِسـنـَه اوغربت - والليل عشعش بالكون سـَـهـْران واحـسـب بالنـَجم – مني غـَـفــِل وايشردون مـَطـْـفي گـُمـَرنـَه اوهالذبـَـل – بالظلمه مـِنـَّه ايـلمون غـَـيـَّر مكانـَه اوهالرحـَـل – والعـيـد ويـنـَه ايـعـَيـدون؟ القـَـدَر يـلعـَـب لعـْـبــِتـَه – فـَـنـّان وايـفـن افـنـون والغدر لابس عـِـمـِتـَه – چذب اوخـيـانـَه ايـعـبـدون *** مـَـتـعـوب ياليـل السـَـهـَر – ابغزل الونين ايـغـزلون غـَـرْگـان ماخـذني النـَهـَر – والنهر گالو مجنون مسـفـوح يادمنـه رخص – ليـويـن بينه ايـغدرون أيـام واســنـيـن المضت – مرجـوحـَه بـيـهـَه ايـهزّون الـمـوج عـالي يـالبـَـحـَـر – والريـح تـِـصفـر تـدرون الحسره غصه اوبالگـلـب – والوكـت غـيـَّـر باللـون يادنـيـه كافي تـعـَـب – صالح اوبـيـهـه ايگـولـون --------------------- اكتوبر / 2018 ســــــــــتوكهولم | |
| | | | مـَـتـعـوب ياليـل السـَـهـَر: ميسون نعيم الرومي | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |