وفاة الشاعر الكبير عريان السيد خلف فى مدينة الطب بالعاصمة بغداد

    

* ( رائعة من روائع امير الشعر والشعراء الشعبيين المبدع والكبير .عريان السيد خلف. بحق الزعيم الشهيد الراحل الخالد عبدالكريم قاسم رحمه الله )
*منك.. ماهي منك.. طب حراميها
ولعب بيها وخبطها.. وشرب صافيها
كَلنالك تحذّر ناوراك الذيب
تاعيت الضواري.. وأمنّت بيها
يمصدك الاوهام.. ان البخت حفاظ
يا حظ.. يا بخت.. لوجرخ سركَيها
ثورة اتفرغصت.. من وسط حلكَـ الموت
وبدمك خذتها.. اشلون تنطيها!؟
شفت اشلون عثرت.. وانجفت عالكَاع
وتعله ابسرجها.. اتراب رجليها
صَدِك موملامه.. وتعداك اللوم
بس جمرة عتابة اتمشكلت بيها
يا سيد العفة ويانزيه الروح
ويارمز الشجاعة.. الحّد تواليها
يملاكَي الرصاص اعيونك امورثات
زلم الغدرتك.. ما ظن زلم بيها
الزلم تولي وتعف.. ونته الطلكَت اركَاب
جان الموت حكَـ.. امفصّل عليها
وجان الوطن يلهب.. والجموع اتصيح
اعدم.. والخطورة اتساهلت بيها
ومن ضاكَت عليك.. انتفض شيب وشاب
سيل.. وحزب (عادل) جان حاديها
أهي غضبة شعب داس على راس الموت
وشبت نار كبره.. اشلون تطفيها
وشفت الكاظمية.. وشفت الكريعات
وشفت الشاكرية وكل محاريها
وشفت الميزرة.. ومذبحة باب الشيخ
وعكًود الكرد.. وشما حواليها
بغداد بأسرها.. اشماحوت من ناس
شالت رايتك وتريد راعيها
يا شاطر غلطتك كلفتنه ارواح
والغلطة الجبيرة اشلون نمحيها؟
يا غرة بياض ابكَصة التاريخ
جسدت الرجولة ابكل معانيها
لاكيت المنايا ابهيبة الفرسان
مادورت حفرة.. وعفنّت بيها
يا لكَبرك صرح بكَلوب كل الناس
شلك بالكَبور الرِجل تاطيها .....
**