عزف البنفسج بقلمي✍ ناهد الموجي شاعرة مصرية

عزف البنفسج بقلمي

ناهد الموجي
شاعرة مصرية
***************

ليه يا بنفسج بتعزف لحن يوجعني
كان أملي تشعر باحساسي وتسمعني
وكل حزن السنين يبعد يودعني
ومن حنان ملمسك إحساس يشبعني
ابدر بزور الحنين ولا شئ يرجعني

وقفت وسط الزهور انده و ما تردش
اتبح صوتي وغير الصمت ما أخدتش
سقتط دموعي على خدي ما تتعدش
كان نفسي تلمح دموع عيني ولا تصدش
صعب اما تدبحني بسكينة ولا تحدش

اعزف يا زهر البنفسج لحن كان ياما كان
فى سالف الدهر اسطورة حكوها زمان
قالوا البنفسج بحزنه الصامت الفتان
بيشع بهجة خفية تحرك الوجدان
وكأن ارواحنا مركب والزهور ربان

من صغر سني لحد الشَعر كله ما شاب
عشقت لونك رسمتك ع الحيطان والباب
أتاري عشقي ل لونك زي سكر داب
فى مية البحر طعمه الحلو ولى وغاب
لا شبك يلمه ولا يستطعمه الاحباب

بقلمي

ناهد الموجي
شاعرة مصرية

لطفي الياسيني
شاعر المقاومة

عزف البنفسج بقلمي✍ ناهد الموجي شاعرة مصرية 101563302_729659427838044_2063915017739007978_n.jpg?_nc_cat=101&_nc_sid=8024bb&_nc_ohc=UQTnTms5EGIAX96RU4K&_nc_ht=scontent.fsdv3-1

لطفي الياسيني
شاعر المقاومة