يا بــو الوعـَــد : ميسون نعيم الرومي

يا بــو الوعـَــد

ميسون نعيم الرومي

[size=32]يا بــو الوعـَــد[/size]

يابو الوعد وين العهد؟ - والغيبه للينسه اذنوب
واليـنـْـسَـه وعده ياترف – ماله أمان اومـَـيـتـوب
امتـَـيـّه طريقه ابكل وكت - وابوجهه مسدوده ادروب
ذابل وردهه اوهاليبـَـس - اسنين العمر كلهه اتـذوب
چم صيف راح اوچم شِـته – مـَـلينه يسمر چـَمدوب!
وازغـار چـِـنـَّه يا زمن – والوجـَع يـوجع وايـلوب
يا كـِحـل عين امساهره – يا نبع صافي اومهيـوب
نحـْـلم اونرجه اوننتظر - والأمل خايـب مـَـنكـوب
اجروح تـدّي ابكل وكت - اشبيده اويسوي المتعوب
والليل يـطوي بالحلم – والوعـَـد وعـْـدك ! عرقوب
روح ابطريـقـَـك لا تجي – چـَـنـّـك عـَدو مو محبوب
يابو العهد يابو الوعد
------------------------
18/ كانون الثاني/2021
ستـوكهولم