چبير أنت : نضال الحار

چبير أنت

نضال الحار

[size=32]چبير أنت[/size]

[size=32][/size]

تدري شكد چبير الت
جبل عالي بقميص انسان
ترسم عل النجم أحلام
تكتب عل الكمر بغداد
تنزف شوك تنشد خير للانسان
تشرب نخب حبك بالوطن
الوطن يسكر بيك
وأنت صاحي مو سكران
وتظل شامخ بالدمع
وغربة ريح تبحر بالهوى شراعين
ومرساك الوطن نهران

ياعرك الكاع أنت
تفز ويه النخل غبشه
وتلاكي الهور والمشحوف
والوادم الحزنه طال
وي خيط الفجر سكته
جبير أنت
أزامط بيك من أذكر كعدنا هناك
وياحبي البجيته وياك
وياشعري الي كتبته بيك
ماأنساك

ويافرحة عمرنا وأنت منه
لاتحسب عشكنا الك منه
دريك كلوبنا مو للموت منا
تظل بأرواحنا جلماتك وصيه

[size=32]وچبير أنت[/size]