مرت ظروف صعبه على بلدنا في تسعينيات القرن الماضي وعانى المجتمع العراقي ماعانى خلال تلك المده وكنت قد هجرت من مدينتي البصره إلى بغداد خلال الحرب وكتبت شعوري ومعاناه من كان حولي من أفراد مجتمعنا وقد سبق و نشرت المجله أول قصائدي وهي أضغاث أحلام وقررت إيصالها لقرائي بعد ربع قرن من كتابتها. 2- قصيده ألحلوه والبومه قصدت بالحلوه ألمرأه ألجميله ألمتعلمه والفقيره وألبومه ألمرأه ألغنيه القبيحه والغير متعلمه مره تعاركن الحلوه والبومه كلتلهه سليمه تطمج يا مشؤمه آني غنيه وأقوالي مفهومه و إنت طايحه حظ ما إلهه قدر ------ آني ألعب بالفلوس لعب وجيبي مملي بالنواط وفلوس بالفستق دوم حلكي متروس واشوف نفسي مثل البدر -------- خلي جمالج وعلمج يفيدج محد أبد يسأل عنج ويريدج لا سلامج إله قدر ولا هديتج وبكل مكان كرامتج تنهدر -------- إنت الفقيره ما بجيبه بيزه وما عدهه دنانير تقدرهه وتعزهه وآني زنكينه وما تعوزني عوزه وبصدر المجالس أكعد بحيل صدر -------- حجيي المخربط يصير حكم ولواصي أسويه بغير ندم والكل يتملقلي ويرفعلي علم وإنت يصخموج بصخام الجدر ----------- عاد افتهمي ياهبله يا مجنونه ألمال يصعد للسمه وانجومه وبغيره تبقين حزينه وملومه والناس تذمج وتضمرلج غدر
كتب في بغداد في 14-1-1994 ألمعاني: (ألحلوه- مرأه جميله فقيره) ( ألبومه- طيرويستعمل لشتم الاخرو هنا أعني ألقبيحه الغنيه) . (زنكينه- غنيه ) (لمخربط- ألغير متزن )( لواص- ألكلام غير المتزن) (صخام الجدر- سواد قدر الغذاء) ( سليمه تطمج يا صيومه – كلمات احتقار وشتم) (النواط- الفلوس) ( ألجرزات_ ألمكسرات أي ألفواكه المجففه) ( ألبيزه- عمله هنديه قليله الثمن استعملت في العراق في الإحتلال البريطاني في عشرينيات القرن الماضي) (متروس- مملوء)
من هنا 
من هنا 
من هنا 
العمل/الترفيه
السبت 8 أكتوبر 2022 - 11:11
