| | ///أحبج خليني اكَولها/// وهذه الكلمات الرائعة لشاعرنا المبدع كالعادة نهاد حناني ..... | |
| | كاتب الموضوع | رسالة |
---|
jihan aljazrawi عضو فعال جداً
الدولة : الجنس : عدد المساهمات : 8399 تاريخ التسجيل : 25/12/2009 الابراج :
| موضوع: ///أحبج خليني اكَولها/// وهذه الكلمات الرائعة لشاعرنا المبدع كالعادة نهاد حناني ..... الجمعة 29 أكتوبر 2010 - 22:07 | |
| أحبچ خلي اگولها ومن شفايفي ماازولها احبچ وخليني اصيح بكل شارع وبكل قرية أديح احبچ خلي انطقها ومن عيون العشاق أسرقها وبعَظمة لساني اشبكها وبنبض الگلب احَرّكها احبچ ولو يحرموني من الماي والزاد ولو على عقلي يسوون مزاد ولو اسمي يصير رمز للألحاد ولو ينطوني للي بقَتلي يفرح ويصير الّه يوم عيد وسُعاد ولو يشمت بيّ كل من هَبّ وراد ولو مايبقى بعُمري لاهَدف ولا مُراد ولو يحسبوني ميت بلا جثة ولارماد احبچ وأگعُد فوگ الماي وأكتبلچ وأطير ويا الحمام وبجناحي ارفرّفلچ وأنقش بالسما و طِراز العشق ابنيلچ وأصبغ الهوا وألوان الحب اهديلچ ومن كل زهرة وكل وردة خارطة العمر انقشلچ ولو أعرف برموشي اصفگلچ وبخطوط عريضة عالغيوم حروف أسمج اكتبلچ احبچ ليش ماأسأل ولااريد اجاوب اللي يسأل احبچ لو الشمس تبَطل تطلع ولو الماس يبَطل يلمَع ولو گلبي من الأصرار بالدم يدمع ولو مامخلوق بالدنيا بحالتي يشفَع احبچ لو تنهَز الجبال ولو تهّب عواصف ورمال ولو مااحد يرأف بهالحال أحبچ لو الحب يموت ولو أشتريله روح بكل مرجان الدنيا وبأثمن الياقوت وأبقى أحبچ وأصيح حتى لو خلوني بين دهاليز التابوت وأسمّع صوتي للدنيا ولو مايبقى بروحي لاقوة ولاقوت احبچ ولو گلبي يقدَح شرار ولو عزرائيل يريد مني الثأر أحبچ وأريد الناس تحجي بينا والطيور تغنينا والزهور كل العبق تهدينا احبچ ولو البارود بوحهي يثور ولو كل اوجاع الدنيا بدَمي تدور احبچ وأمحي كل الشرور وأزرع بسمَه على كل شفَه وسرور احبچ لو السگف أّنهد وطار ولو بيتي يصير واحة ويغرگ بأمطار ولو الدنيا تعَتم وامشي بلا ضوا وبأصرار ولو تتعب الرجلين وامشي على ايديه جوا النار ولو أوگع بكل حُفرَة وبكل شق وبكل غار ولو بكل وگعَة جَرح يصيبني ولو بكل عَثرَة نزف يعنيني وأتلطَخ بالعار أحبچ ولو الحالوب يصير من شرار وعلى عناد أهل الدار ولأخلي قطعة ثَلج على كل گلب يحمل وِقار ومايعرف لاكره ولا ثأر وأشتري بكنوز الدنيا كل الإصرار ولو أشبَع قَهر وحَسرَه ومرار وماأستَسلم لا للعدو ولا للصديق ولاللجار ولاللبعيد ولاللقريب ولا للمار وأبقى أحبچ المقدسي نهاد حناني هولندا 20-07-2008 | |
| | | | ///أحبج خليني اكَولها/// وهذه الكلمات الرائعة لشاعرنا المبدع كالعادة نهاد حناني ..... | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |