وين صفينا ياالعراق

وين صفينا ياالعراق
صفينه ايدنه ويا الكاع حتى الكاع ملت من خطاوينا
وصفينه ركام يامهيوب اسمك ليش تريد تمسح كل اسامينا
وصفينه ايد تلوي الايد بعد ماحار الوكت شلون تلوينا
وصفينه الدم للركاب يسيل بكل بيت الجفن حضرناه اخاف الموت يلفينه
وصفينه من الغروب انام بعد ماجانت سهر كل ليالينا
وصفينه بالتفك متحزمين بس نكتل بعض والموت حادينا
وصارتكل مدناكبور ونلبس بس سواد شوكت ما جيت تلكينه
وصفينه عالهويه نذبح الجيران ولاجن سنين الحلوه وياه كفينا
وطولنا اللحايا وكصرنا الثياب وصار بأسم اين تطلع كا فتاوينا
وصفينه نخبط الصافي بنهرنا الما صفه فد يوم طينه
وصفينه نعيد بالتاريخ ولعصر الجاهليه اليوم دينا
ولا جنى اول حضاره صارت اعلى الكاع ولاجن اول مسله احنه سنينه
ولا جنى حكمنا الدنيا من بغدادولا جنى المنايا تخاف لو سمعت بطارينا
ولاجنى كبل واحدنه من ينام يفز الكلب من حشاه ويعينه
شجانه اليوم بس كاتل ومكتول ولارحمه بكلبنا كلي شبينا
نبوك من الليالي مسامر الخلان ونكطع وصل حبهم من شرايينا
نحرم كل ترافه تخطر اعلى البال وندندن صرنا بالبسكوت اغانينا
وصفينه كلشي ما حاوين لاحاضر جديد ولا ماضي قديم يواسينا
نهاجر نكول بلكي يهده البال يرجع وتتحقق امانينا
ومن نفرح غفل تبجي مهضوم لا فرحتنا تعص بكل ما سينه
جاوبني يالعراق وكلي ليش هيجي صفينا

عاشت ايدج اختي العزيزه بتول عالكلمات الحلوه منها والمره بحلاوتها .....