عراق أخر زمن : نصائح مهمة للعراقيين العايشين بالعراق

عراق أخر زمن

هذه نصايح للي عايش بالعراق........................( إذا اردت ان تبقى حيا.......إلتزم بها)

· لا تنظرْ في عيون الناس .. الغرباء منهم خصوصاً ، فقد يظنون بك الظنون.

(يعني امشي .......لا مدنج ولا رافع راسك ولا تلتفت لا يمنه ولا يسره ولا تباوع خليك كبل)

· تعلّم كيف تختار الأقفال : أقفالٌ من كل الحجوم ، أقفال لكل الأشياء.( قوات الشرطة والجيش ما عدهم تخويل ايكسروها، بس الامريكان.....تره عدهم تخويل يفجروها)

· لا تشتم ملكاً أو رئيساً ، حتى لو كان ميتاً ، أو مجردَ ملك مقبل ، أو زعيم محتمل.....

(تره يضمولكياها......... ومينسوهالو بعد الف واربعميت سنه)

· أفسح المجال فوراً : للدبابات ، عربات الهمر ، الأوبل ، واي سيارة ترمشلك ... أفسح لهم الطريق سريعاً ، حتى لو اضطررت الى الانبطاح في الطين

.(أخاف مفتهمت عليه الطين بالهدوم ينغسل بس الدم صعب ينغسل وميطلع منها)

· لا تثرثر في الهاتف ، قد يسمعك أحدهم بالصدفة.

(اخاف عبالك راحت المراقبه مال ايام العهد البائد، تره هسة كلها تتسنط عليك، كل الاحزاب والتكفيريين والروافض والنواصب وكل دول الجوار وحتين حلف وارشو والاطلسي والعلاسة ديسمعوك، واذا ممصدكني سب صدام لو السيستاني بالتلفون وشوف)

· إجمع ما يكفي من المال .. احتياطاً .. لحين اختطاف أطفالك (اسم الله عليهم).

· جدِّدْ وصيّتكَ كل صباح ، وكل مساء. أضف إليها كل ما يستجدّ ببالك، فأنت لا تدري متى : طاخ .. طاخ .. طاخ ............... او (بوووووووووووووم)

· لفَّ جريدتكَ جيّداً ولا تدع عنوانها ظاهراً.. الأفضل أن تشتريها بسرعة وتطويها ثم تخبئها تحت السترة.. بالمناسبة : ماذا تفعل بالجرائد؟ يمكنك مسح النوافذ بالقماش.

(حاول اقناع المره بمسح الجام بــــ (عرك بعشيقه) والقماش....مفعوله هوايه افضل من جرايدنه الخايسه وجربها لطريقتي وخطيتك برككبتي بس ضم البطل زين من تمشي بالشارع تره الجماعه ليسمون نفسهم اسلاميين من مختلف الجهات عيونهم هوايه - و الله يابه الاسلام بريء منهم - )

· سمِّ أطفالكَ بأسماء محايدة لا توحي بشيء محدد ؛ أولادنا أكبادنا ، تمشي على الأرض ، وتركب السيارات ، وتتعرض للتفتيش المفاجئ.

(يعني لا عمر ولا عبد الزهره تره ينعلسون)

· مهم جداً : تجنّب الأماكن المزدحمة ، وكذلك الأماكن الخالية ، والأماكن المغلقة ، وكذلك الأماكن المفتوحة .. لا تسألني كيف

.( اشرب ونركل بالبيت لان كتله بنعال ابوك احسن مما توكع بيد العلاسه)

· فليكن هاتفك المحمول من النوع الرخيص كي لا تموت بسببه ، ولا تحّمله بالكثير من العناوين والصور الشخصية والنغمات المثيرة للريبة.

(نغمة تايتانك او نغمة نوكيا الاصليه تكفي ........ يعني لا نغمة لطميه ولا نغمة عونج يا كاع)

· أدفن موتاك في مقبرة قريبة، وبسرعة ، بأقل التفاصيل وأوصِي أهلك أن يفعلوا الشيء نفسه عند موتك ، المقابر أماكن خطرة.

( واذا عدكم مكان بالحديقة يكون احسن.....، ترة درب النجف لو مكبرة الكرخ...... حيل عاوي)

مع تمنياتي للجميع بالصحة والسلامة والعمر المديد