دگ ياجرس مدرسة الحب دگ بگلبي///الله كم انت مبدع ياشاعرنا العزيز نهاد حناني لك وحشه

دگ ياجرس مدرسة الحب دگ بگلبي
جَمع العشاگ بساحة وگفهُم وسط گلبي

فًتّش بالعیون وشوف منو بيهم المَجنون
من لوع العشگ وخَلصهُم من الموت المَرهون

طّن بكل أذن عشگت الغَزل وموال الليل
ولخاطر كل عين باعت الشَمس وعشگت سواد الليل

دگ ياجَرس بحنيّة وصَفّت الحلوين بأول ساف
وعاقب الغياب واللي جَمر الحُب عُمرَه ماشاف

دگ ياجَرس وأحرگ المايحترگ بنار الحُب
وأگطَع الماي وخَلي الثعوال من كل صَدر يهّب

دگ برُعّب وخَلي النيام على رَنتَك تْفّز
وأشعّل نار وأچّوي كل مُهمْل وخليه بدَرس الحُب يهّز

وأمسَح كل مَعفي بالعشگ على جبينة بوَشمَة بار
وأطرد كل كَسول مايفهم العشگ وحَنّيه بلَطخَة عار

زَين كل كِتاب وخلي بيه حروف الحُب من شرار
وأشطب كل سَطر مابيه أسم الحبيب وأحرگ الفُهرس بنار

دگ حتى بالعطَل وخلي السِنَة العواطف تهْيج
وبعيد المُعَلم وعيد كل طالب وزين الصفوف بأريج

روح للمُدير وأستأذن بنص يوم إجازة
وخابر العَشاگ وشَيّع المايعرف يحب بجنازة
وبَلغ الفراش يصَفّت التلاميذ بايعازه
وأنطي الكل استاذ گهوه مُرّه والحزين صُبلَه فنجان عوازّه


نهاد المقدسي
هولندا
17-09-2009