احبك حب ماهو حرف

ولاهو كلام وينحسب عادي



لأن حبي مشاعر فوق الجبال



وما ينزل أبد ويصير وادي..




*****




دك كلبي وفتحته ومالكيت انسان



لأن وحدي وحيد بلا محب أني



بكيت بكل آلم وين الكه مثلك وين



لقيتك تمشي انت بين شرياني..




*****




بعيد الحب احبك مو بس فقط يوم



ولا ساعة وثواني اعشقك انته



واذا كلبي بجهل عافك يابعد الروح



أبدل كلبي اني ومن صدري شلته..




*****




يمر الوقت في حبك يامحبوب



واني اعشق صرت حتى خيالك



اصد بلا وعي وأتاملك دوم



وآني اعرفني نفسي دوم على بالك..




*****




كنوز الدنيا كلهه جوة رجليك



لأن كنزك عجيب وصار ملكي



تكلي الكه بدالك كومة احباب



فنك يالمحب لو مثلي تلكي..




*****




عجيب اصفن واسولف عن خلقك اليوم



شلون الله يخلقك انت هيجي



يخلق بلشبه كالولي اهواي



بس خلقك عجيب وماشبه ذيجي..




*****




غفيت اني بحلم وكعدت سكران



لأن شوفة جمالك احله تخدير



وردت اخذ بشفتك بوسة بسكوت



تزحلك حلكي بيدك يالشفتك حرير




*****




شفت شعرك قصيدة بلاية ابيات



يالعينك محابر واصبعك اقلامي



اكتب كل سطر أني احبك حيل



وبرقة ايدينك تتحقق احلامي..




*****

عزيز بسيم

لمن هذا الشعر , ارجو كتابة أسم الشاعر .

ابو فرات

مع الود